桂悅坊 (已搬遷) 新店位置

原來openrice 有呢間uncle david’s bakery 既資料, 果然係非一般既飲食網站, 我在麗城花園返工, 所以經常光顧呢間麵包店, 有時仲會早餐, 午餐都去買佢地既麵包或蛋糕, 無論係第二期, 還是第三期既店舖, 佢地都有自設廚房, 所有麵包和蛋糕都係出自佢地既廚房, 所以產品既新鮮程度當然高過連鎖式麵包店, 不過, 以我既觀察, 有某些麵包蛋糕, 會由第二期運往第三期, 某些又會由第三期運往第二期, 不過路程只需五分鐘, 而且全程都有用蓋蓋好, 所以不會影響產品質素!佢地既麵包都幾軟熟, 不會乾僧僧, 份量適當, 價錢亦合理, 而種類亦逐漸增多! 蛋糕類別, 例如紙包蛋糕, 蛋白蛋糕都係我既心頭好, 夠軟熟, 不甜膩, 至於凍餅既種類都有好幾款, 我只試過其中既一兩款, 例如芒果卷, 黑森林卷等, 不過, 唔算係好好, 比較普通, 味道亦只屬一般, 但銷量卻唔差, 有時收工經過, 見佢地既凍餅已賣得七七八八!另外, 佢地仲有曲奇餅, 都係佢地自家製, 幾香脆架, 我d同事好鍾意食!