譚仔三哥米線 (德福廣場2期)

營業中

休息中

自問自己都鍾意食米線，知道附近新開咗間三哥，當然要去幫襯吓啦，新開張固然之夠靚夠新淨啦，雖然唔係好大間，但係環境真係算唔錯，啲裝修都好靚，食物係點呢？真係要試過先知，我去親食米線，多數都會叫過橋米線，貪佢乜嘢料都有，其實米線嘅份量，我覺得同普通嘅差唔多，只係啲配料多啲，叫咗個酸辣湯底小辣，味道都唔差，但係覺得佢嘅炸醬份量，就比較孤寒，同佢差唔多名嗰間，份量就多好多，但係佢嘅墨魚丸，就比較彈牙同有咬口，不過如果兩間相比，我都係鍾意另外嗰間，可能食慣咗啦！