萬豪咖啡室 (已結業)

Item: 萬豪咖啡室
Rating: 0
Author: 試試吓

Marriott Cafe

此餐廳已改名為 JW咖啡室

432 食評

味道

環境

服務

衛生

抵食

2282

金鐘

$401-800

多國菜自助餐酒店餐廳

270

試試吓

等級2

收咗政府幾仟蚊加上家人生日, 最好不過就係食返餐好既, 一直都知金鐘萬豪好食, 但就好難book位, 左揀右揀之下, 最後都係決定等半個月. 萬眾期待呢日終於到喇, 果然無令人失望, 由環境, 服務到食物質數都無投訴, 最大問題係我得一個胃, 而且可盛載既空間有限. 個日去到已經差不多六點, 侍應好有禮貌咁帶位, 坐低無耐就通知自助餐開始, 一出到去就見到好多又大又多膏既凍蟹, 一大碟凍龍虾, 又有凍虾, 螺, 魚生...等等既海鮮, 之後見到沙律, 湯同咖喱. 正所謂先入為主, 我當然係由海鮮入手啦. 一開始出既龍虾比較細, 雖然係咁, 但肉質好鮮嫩. 跟住就食大蟹蓋, 嘩...裡面好多膏呀, 而且好鮮甜. 之後試咗凍虾同螺. 食咗咁多凍嘢飲返啖湯先, 個日有2款湯揀, 南瓜湯同豬腳湯, 我揀咗南瓜湯, 個湯好滑好好味. 飲完之後就去咗熱葷區, 有花膠, 九孔鮑, 魚, 琵琶虾伊麵..., 見到咁多就梗係通通都要晒啦 wakakakaka..... 試過咁多之後個心同對眼都係眼金金D凍龍虾同蟹, 既然係咁就要順心而行咯, D龍虾越出越大隻, 而且肉質更爽口, 仲要

.

一開始出既

龍虾比較細, 雖然係咁, 但肉質好鮮嫩.

跟住就食大蟹蓋,

嘩...裡面好多膏呀, 而且好鮮甜. 之後試咗

凍虾同螺. 食咗咁多凍嘢飲返啖湯先, 個日有2款湯揀, 南瓜湯同豬腳湯, 我揀咗

南瓜湯, 個湯好滑好好味

. 飲完之後就去咗熱葷區,

有花膠, 九孔鮑, 魚, 琵琶虾伊麵..., 見到咁多就梗係通通都要晒啦 wakakakaka.....

試過咁多之後個心同對眼都係眼金金D凍龍虾同蟹, 既然係咁就要順心而行咯, D龍虾越出越大隻, 而且肉質更爽口, 仲要係好多膏, 有軟又有硬, 天啊, 我個胃可唔可大D呀! 再嚟

一大梳多膏既蟹腳. 無耐D花膠, 九孔鮑同琵琶虾叫我呀

...好啦好啦我嚟夾你地啦.

食完一輪咸既就要開始攻甜品, 我一次過揀咗四樣,

有雲呢拿奶凍, 藍莓慕絲, 咖啡雪糕同埋梳呼尼, 四款之中雲呢拿奶凍最有驚喜, 因為最後食到一粒薑味軟糖, 一瞬間諗起薑汁撞奶, 既凍又香滑, 最後仲食到無諗過既薑味添, 好味

. 藍莓慕絲小小酸好醒胃, 唔知點解食完呢碟之後; 有一種可以重新出發既感覺. 凍龍虾我嚟喇.....

食到後段我已經無能力去試, 咖喱, 牛柳, 燒味, 麵檔, 即叫即做既鮮果班戟, 生果, 日式冷麵.....仲有其他甜品.

係服務方面真係好殷勤細心, 每次出去攞完食物返嚟, 舊碟已經收走. 客人離位之後侍應又會馬上將餐巾接好放回枱面. 見到客人2手食物又會主動幫送埋枱, 開始食甜品生果, 就會問要咩餐茶. 而食物方面亦添得好快, 可以話無缺過亦唔洗等廚房出, 因為只要得返三分一碟已經馬上添滿, 食到後段所有食物都有, 又唔會比人感到剩低頭頭尾尾, 所以客人即使遲嚟都唔會食少咗.

每人四佰幾蚊, 可以有好服務, 好環境, 無憂量又好味既食物, 真係值回票價.