麗東閣海鮮酒家 (已結業)

老人家精打細算, 想飲特價下午茶, 搵我照顧耆英, 本來好事, 但一入門口已經有火藥味...個知客o係位挫緊指甲, 我話四位唔食煙, 連一眼都無睇我, 就話: 你咪入去自己搵囉! 我即時扯火, 點知幾個婆婆一齊夾住我入去, 佢地話下午茶時間服務差D o架啦. 阿婆有得飲下茶好開心囉! 我唔敢掃興, 只好坐低開茶叫o野食, 唉! 好戲在後頭...我用個盤去拎點心, 返位o個陣俾兩架點心車攔住, 我叫兩個點心阿嬸唔該借借, 突然一個waitress 走過來話我捧住咁多o野企o係度, 阻住地球轉.....真可惜, openrice 服務評分無負數.....