東京淺草炸雞專門店 (碧海藍天) (已搬遷) 新店位置

同老公去Aeon買吸麈機有泊車優惠，就係商場食埋午餐，見到以前pokka cafe個位轉手做東京淺草炸雞，炸雞display好吸引，價錢唔係好貴就即管試下。左右兩邊卡位已經坐晒人，得返中間bar枱，兩個人食冇乜所謂喇!望下餐牌清一式炸雞，有唔同件數同唔同調味，我揀咗鐵板南蠻他他醬定食（$65），即係炸雞淋上碎蛋沙律醬，日式炸雞好處係粉漿薄脆而且食落唔會油淋淋，不過沙律醬冚住炸雞好快外皮變軟，相反老公既鐵板七味炸雞定食（$65）就冇呢個問題，佢個醬食落有香辣口感，配上炸雞非常滋味，送飯一流!