海鮮拼盤
星期一/二$99就食到，性價比超級高，法國黃金螺好有咬口同埋充滿海鮮味 、北海道帶子鮮甜厚身 、新鮮空運生蠔係澳洲蠔食落好Creamy、紐西蘭青口 、日式磯煮飽魚
焗蠔煙肉芝士
蠔肉焗得啱啱好仲好嫩滑，食嘅時候記得小心因為超級熱，上面嘅煙肉芝士都獨當一面，焗到有啲脆脆地超級好味。
原隻日本魷魚焗釀意大利飯
呢個我最期待，果然冇令我失望，個魷魚煮得啱啱好食落去好彈牙同埋好新鮮，入面仲有啲魷魚籽配埋意大利飯，意大利飯都做得好出色，一齊食落去口感勁豐富。
蒜片辣椒煮維珍尼亞蜆扁意粉
維珍尼亞蜆勁大隻，配埋勁香嘅蒜片加埋辣椒煮嘅扁意粉，食落去勁重蒜油味，超級惹味。
