韓牛韓式燒烤 (已結業)

陪朋友去彌敦道的小米旗艦店買小米8，佢當然開心又滿足啦，平靚正! 之後，我哋就走去附近食個平靚正嘅韓燒放題，讓腸胃都滿足一番。上到嚟，人都開始多。心急嘅朋友急不及待去攞嘢食。我就去攞嘢飲。咦! 啤酒都有供應，一路飲一路韓燒，真係good!呢度有樣好，就係唔需要剔紙仔點嘢食。你知啦，好多放題店都採用剔紙仔方式幫客人落單，但係，相信大家都遭遇過漏單的情況，等完一輪都無嘢食，一追再追都無，時間就此過去，好快就夠鐘架嘛，分分鐘回唔到本，咪好唔抵!呢度好多嘢食，壽司、魚生、沙律、甜品、糖水都有，朋友不知幾興奮。朋友好快攞咗啲可以即食嘅返埋位，有三文魚、蝦、沙律。啲蝦都幾大隻，幾新鮮、鮮甜。跟住就食咖哩蟹，都幾辣，幾惹味，唔錯喔!好! 係時係燒嘢食。攞咗啲肥牛、牛仔骨、牛仔肉粒、豬扒嚟燒。牛肉都幾新鮮，點咗燒汁來食，大杯酒大塊，正!繼而，燒了些海鮮，如海蝦等等。食咗兩個round 肉食之後，都開始燒啲蔬菜調劑一下。最後，食杯雪糕，真係好滿足。