清真牛肉館 (龍崗道) (已結業)

一心諗住入九龍城食泰國菜作午飯，點知好多泰國菜館晏晝未開，見清真不算多人，姑且一試︰酸辣湯 (SIZE 小; $23)︰不太慣酸辣湯加辣椒油，算足料，夠酸，但不夠辣。牛肉餅 (2件$22)，好多汁，好熱，食到最尾仲有好多汁，一人食一個都好滯。鍋貼(5隻$25) ，鍋貼係用牛肉而非豬肉，調味與平時不同，係用左類似藏族醃料，不太習慣那股藏族味道，但係都好JUICY多汁。之前驚唔夠飽，再加一碗牛腩麵，噢…又係牛肉，好滯呀，牛腩、湯底皆一般。其實清真牛肉館賣的小菜都好雜，除了清真菜外，還有上海炒麵、西芹炒鮮魷、宮保雞丁、咖哩雞蛋飯等等‥大家喜歡食什麼，悉隨專便。