太陽小廚 (已結業)

它剛開張時光顧過一次食早餐，當時覺得麻麻地，所以一直没有再光顧。星期日下午想食下午茶，剛剛經過，諗住下午茶衰極有限啫，就俾多次機會佢啦！叫了個菠蘿油茶餐，点知衰到冇朋友！個菠蘿飽已經是買回來的，它只須加塊鲜牛油就已經可以上枱。真係估佢唔到，菠蘿油一上枱，個飽出晒煙，一睇就知"賴野"。個飽用微波爐高温叮熱，個飽完全係又濕又"林"。簡直離晒譜，菠蘿飽是要食它的脆皮面，"林"晒濕晒点食啊！食咗一啖，裡面塊牛油已經溶晒，攪到個飽濕上加濕，極之難食！咁無心煮食物，不如唔好做！以後一定唔會再光顧！