影片
更多
2023-07-02
1053 瀏覽
全港首創黑蚊蚊墨魚水餃🖤今日同朋友行開大角咀，決定試吓除咗水餃，仲有多款餸菜上海麵、菜飯、小食，相當吸引！▶️ 拌青瓜 ($35)先來個小食，份量唔少除咗青瓜仲有紅蘿蔔絲、洋蔥絲青瓜非常爽脆🥒應該落咗蒜蓉同醋，味道酸酸甜甜，好開胃精粹係芫荽，唔知點解自己好似越嚟越鍾意芫荽🫣口味變了▶️ 酸辣湯墨魚荸薺餃麵 ($62)附有四隻墨魚荸薺餃🥟Size未至於巨型，但望落飽滿餃子皮係自家製，混入墨魚汁令佢變成黑色，好型格，不過味道上食唔出分別餡料係墨魚滑同荸薺 (原來係馬蹄別名🤣)，特別在不含豬肉，比較彈牙同爽口，但係冇乜墨魚味餃子皮某部份煙韌，有啲位就淋，整體偏厚咗少少🤏🏻酸辣湯質感好似碗仔翅，入面有冬菇、豆腐、荀絲，非常足料平時甚少食酸辣菜，試咗少少，覺得佢好夠濃味，酸辣比例差唔多 嚴唔夠辣可以問店員攞自家製嘅麻辣菜甫🌶️▶️ 手撕雞麵 ($48)湯底清淡但入味，食得出唔係味精湯，個人覺得有少少似稀版雞白湯添手撕雞有驚喜，用無骨無皮嘅雞髀肉，非常新鮮嫩滑而唔係柴柴乾乾😍份量亦唔少上海麵口感就比較失色，淋得濟，如果硬啲煙韌啲會好食🍜-食物味道ok，墨魚餃子的確特別，但未至於好食到回頭或特登嚟食大家亦唔
今日同朋友行開大角咀，決定試吓
除咗水餃，仲有多款餸菜上海麵、菜飯、小食，相當吸引！
▶️ 拌青瓜 ($35)
先來個小食，份量唔少
除咗青瓜仲有紅蘿蔔絲、洋蔥絲
青瓜非常爽脆🥒
應該落咗蒜蓉同醋，味道酸酸甜甜，好開胃
精粹係芫荽，唔知點解自己好似越嚟越鍾意芫荽🫣口味變了
拌青瓜
$35
33 瀏覽
0 讚好
0 留言
▶️ 酸辣湯墨魚荸薺餃麵 ($62)
附有四隻墨魚荸薺餃🥟
Size未至於巨型，但望落飽滿
餃子皮係自家製，混入墨魚汁令佢變成黑色，好型格，不過味道上食唔出分別
餡料係墨魚滑同荸薺 (原來係馬蹄別名🤣)，特別在不含豬肉，比較彈牙同爽口，但係冇乜墨魚味
餃子皮某部份煙韌，有啲位就淋，整體偏厚咗少少🤏🏻
酸辣湯質感好似碗仔翅，入面有冬菇、豆腐、荀絲，非常足料
平時甚少食酸辣菜，試咗少少，覺得佢好夠濃味，酸辣比例差唔多
嚴唔夠辣可以問店員攞自家製嘅麻辣菜甫🌶️
▶️ 手撕雞麵 ($48)
湯底清淡但入味，食得出唔係味精湯，個人覺得有少少似稀版雞白湯添
手撕雞有驚喜，用無骨無皮嘅雞髀肉，非常新鮮嫩滑而唔係柴柴乾乾😍份量亦唔少
上海麵口感就比較失色，淋得濟，如果硬啲煙韌啲會好食🍜
手撕雞麵
$48
15 瀏覽
0 讚好
0 留言
-
食物味道ok，墨魚餃子的確特別，但未至於好食到回頭或特登嚟食
大家亦唔好抱太大期望黎試
酸辣湯墨魚荸薺餃麵
$62
15 瀏覽
0 讚好
0 留言
舖頭唔係好多位，星期日晚嚟都坐滿，好多人買外賣
服務就麻麻哋，女店員有啲面色，而且上菜速度慢，可能因為做外賣先
價錢算親民，雖然份量唔算大，每人一個麵加啲小食先差唔多
張貼
