甘甘好蔗 (已搬遷) 新店位置

同朋友係旺角shopping，路過肥姐小食旁邊，見到有一間特色賣甘蔗手搖嘅店。係openrice search過先知原來係全港首創，於是決定一試餐牌上有好多選擇，全部都好有特色同創意。例如甘蔗檸檬茶、甘蔗撞奶等等。另外都有甘蔗水果茶同班蘭椰奶等等。同朋友一人嗌咗一杯，分別係蔗杯白桃同甘蔗鮮奶。每買一杯野飲，都可以抽獎。好彩嘅話就可以免費獲得$34或以下嘅手搖一杯就好似買一送一咁蔗杯白桃$32飲落有驚喜，白桃同蔗汁嘅味道好夾。仲有粒粒白桃可以咀嚼，非常推薦如果係鍾意清甜嘅朋友，就可以一試。甘蔗鮮奶$30鮮奶同蔗汁嘅搭配好特別，好飲而又有特色。鮮奶嘅味道偏甜，鐘意奶味嘅話都可以一試。旁邊都有charger租借，行街行到無電都唔洗擔心。