影片
更多
2018-07-22
2867 瀏覽
香港餐廳大多數服務態度都麻麻哋，作為local都係見怪不怪。畢竟搵食艱難，有時候服務得唔係咁周到，都情有可原。但呢間餐廳，以咁樣ge食物質素，正常人食糧來計算ge話，人均都要食300-400起跳，唔好玩啦。我不如去食個爭鮮，d壽司飯仲實正同新鮮，d刺身仲大件啦。食物幾乎就係中環米芝蓮的價位，卻係同一般北角樓下四人壽司店的水準差唔多，甚至可能份量更加小氣，都算；但我想問下，點解服務可以咁鬼差？成間餐廳15張台左右，計埋我哋得3張有人坐（晚上7點幾）（宜家唸唸下，完全唔奇怪點解咁少人）。但三位服務阿姐，居然可以上唔齊我哋三個人ge基本餐具。都唔係問題，但叫距幫手上餐具，簡直仲慘過問距借錢，大大力擺低d碗筷，全程一句聲都唔出。心唸：呢個已經唔係服務問題，係人品問題吧？全程晦晦氣氣ge服務，一句“唔該”，“多謝”，“唔好意思”，“好”，“無問題”，或者菜名介紹，乜都無。好，無禮貌都唔緊要啦，但居然可以令到你食都唔舒服；可能因為幾位啊姐平時比較少見到有客，所以見到客人就鍾意幾個人圍埋，指手畫腳，望下你著咩食咩講咩。重點係，明明已經過咗低消，見你order得唔夠多，仲可以話你 “你哋三個人，就叫咁
但呢間餐廳，以咁樣ge食物質素，正常人食糧來計算ge話，人均都要食300-400起跳，唔好玩啦。我不如去食個爭鮮，d壽司飯仲實正同新鮮，d刺身仲大件啦。
食物幾乎就係中環米芝蓮的價位，卻係同一般北角樓下四人壽司店的水準差唔多，甚至可能份量更加小氣，都算；但我想問下，點解服務可以咁鬼差？
成間餐廳15張台左右，計埋我哋得3張有人坐（晚上7點幾）（宜家唸唸下，完全唔奇怪點解咁少人）。但三位服務阿姐，居然可以上唔齊我哋三個人ge基本餐具。都唔係問題，但叫距幫手上餐具，簡直仲慘過問距借錢，大大力擺低d碗筷，全程一句聲都唔出。心唸：呢個已經唔係服務問題，係人品問題吧？
全程晦晦氣氣ge服務，一句“唔該”，“多謝”，“唔好意思”，“好”，“無問題”，或者菜名介紹，乜都無。好，無禮貌都唔緊要啦，但居然可以令到你食都唔舒服；可能因為幾位啊姐平時比較少見到有客，所以見到客人就鍾意幾個人圍埋，指手畫腳，望下你著咩食咩講咩。重點係，明明已經過咗低消，見你order得唔夠多，仲可以話你 “你哋三個人，就叫咁多啊？” 其實我哋最尾消費已經將近800，但真係心唸，係你度消費80蚊都嫌多。
最後三個人本來唸住小聚下，結果唔夠30分鐘，大家都忍唔住想拿拿臨即刻走。
所以我好好奇，咁超越價格想像之差ge食物質量（唔係話差到貼地，但真係唔值呢個價ge三分之一），咁令你o曬嘴ge服務，點解會有好評？係咪老細請過去食ge寫手？又或者話，個老細其實究竟知唔知距d服務阿姐水準咁差？
總而言之，對於幾乎日日係出面食飯ge人來講，呢間餐廳係我咁耐以來覺得最伏ge一間。宜家唸返起，只可以話係哭笑不得。哭係當晚大家ge極之唔愉快。笑係呢間餐廳簡直係個bug來噶。等同於英國暗黑版disneyland的dismaland——點解可以仲未執笠？
張貼