影片
更多
2022-11-30
26 瀏覽
懷石料理一直係我心目中最高级的日本fine Dining。愛吃懷石料理的細緻，嚴謹和無微不至。懷石料理對擺盤有嚴格的要求，並要使用時令的食材，所以每次食懷石料理都有一種新鮮感。今日嚟 犇ushidoki試和牛懷石料理，全牛宴食11道菜。言談間，知道主廚已經去過22個國家做嘢，純正日本人飛來香港主辦依間餐廳，好猛料！懷石料理主要分「割烹」和「料亭」兩種用餐方式。如果是「料亭」的話，一般是按照順序來食，由前到後，由左至右逐一品嚐。犇ushidoki以「割烹」的方式呈現，即是吧枱形式，可以欣賞主廚的手藝和同主廚盡情交流。食物除味道之外，我喜歡享受過程，留下獨一無二的用餐體驗。懷石料理在飯桌上會擺放一張木質的圓形或方形的薄托盤，它的名字叫「折敷」，用來承載所有的飯菜。前菜以和牛海胆卷揭開序幕，和牛包實海膽，配上日本蕃茄和帶子，最後以烏魚子粉點綴。海膽新鮮香甜，和牛軟滑就不在話下，有自家製黑醋點綴，令成碟餸酸酸甜甜，作為前菜真係好開胃！特別一提，日本蕃茄真係好好食，點解日本連蕃茄都好食過人？和牛牛脷湯 手握和牛潰壽司厚切牛脷用菊花點綴，賣相好似一幅風景畫咁。鹿兒島和牛有口感又鬆化，紅酒潰日本淮山
今日嚟 犇ushidoki試和牛懷石料理，全牛宴食11道菜。言談間，知道主廚已經去過22個國家做嘢，純正日本人飛來香港主辦依間餐廳，好猛料！
懷石料理主要分「割烹」和「料亭」兩種用餐方式。如果是「料亭」的話，一般是按照順序來食，由前到後，由左至右逐一品嚐。
犇ushidoki以「割烹」的方式呈現，即是吧枱形式，可以欣賞主廚的手藝和同主廚盡情交流。食物除味道之外，我喜歡享受過程，留下獨一無二的用餐體驗。
懷石料理在飯桌上會擺放一張木質的圓形或方形的薄托盤，它的名字叫「折敷」，用來承載所有的飯菜。
前菜以和牛海胆卷揭開序幕，和牛包實海膽，配上日本蕃茄和帶子，最後以烏魚子粉點綴。海膽新鮮香甜，和牛軟滑就不在話下，有自家製黑醋點綴，令成碟餸酸酸甜甜，作為前菜真係好開胃！特別一提，日本蕃茄真係好好食，點解日本連蕃茄都好食過人？
和牛牛脷湯 手握和牛潰壽司
厚切牛脷用菊花點綴，賣相好似一幅風景畫咁。鹿兒島和牛有口感又鬆化，紅酒潰日本淮山畫龍點睛，又爽又甜，好想食多幾舊！
和牛他他配天婦羅
晶瑩的玻璃碗被煙燻籠罩，未打開前，蒙蒙朧朧，增加了期待感。一打開，淡淡櫻花木香味撲鼻，嗅覺，味覺和視覺的最佳享受🤭 最底層自家製海膽汁，上面是和牛他他，最高是海膽和魚子醬，用金箔最後點綴，靚到有啲唔捨得食。
和牛壽喜燒
今次主打鹿兒島小田牛，小田牛不單是鹿兒島最高級的和牛，亦是奠定鹿兒島於日本和牛界地位的一個代表性品種。主廚向我們展示塊和牛，雪花靚到心內嘅滿足不禁偷偷笑🤣 最後師傅更加不停鉋松露片，真係唔停手，好矜貴啊！壽喜燒嘅汁好好食，連洋蔥都鮮甜。一啖牛一啖洋蔥，唔識形容喇，太正太滿足！加上溫泉蛋令成個口感，更加豐富滑溜。撈飯食，應該係我成世女食過最好食嘅飯。
紫薯柚子雪葩
雪葩始終不能搞太多花臣，就用容器來驚喜你。今天我們一男一女，他的容器就用一男一女，好可愛又細心。平時多數最後食甜品，在用餐的一半，吃點酸酸凍凍的，清清舌頭。
和牛海膽魚子醬三文治
近年都好興吃這個炸和牛三文治。這餐飯不停的和牛，松露，海膽和魚子醬，$2000人頭終於抵番🤣 一直覺得和牛三文治好Heavy，他配上調味辣辣的甘露子，醒醒胃。
鵝肝粉配菲力和牛
菲力係和牛最稀有嘅部位，用紅酒低溫處理鵝肝然後急凍，再磨成粉。入口即溶，好似食緊雪糕，好creamy又豐盈，口感和味道都一試難忘。
時令蔬菜配燒和牛
成個擺盤都好靚，好有秋天氣息。炸過嘅稻米和蕎麥麵，令成個擺盤食得又睇得。茄子用雞油燒過，特別招積。
和牛素麵
西冷和牛好似shabu shabu ，牛肉浸得越來，湯就越濃，自己控制食幾熟。食唔飽，仲有碗細細碗牛肉飯。
綠茶布甸和和菓子雪糕 (monaka)
一塊米做成的外皮，好威化餅咁鬆脆。兩塊餅皮中夾着海鹽雪糕和栗子蓉。另有自家製抹茶布甸。
呢一餐真係食得超滿足，用了好矜貴，服務員好細心。雖然$2000人頭絕對不便宜，但值得一試！
張貼
