茶餐廳2.0 (已結業)

無幾耐之前，來過食晚餐，覺得呢間茶記啲嘢食都唔錯。趁今日得閒，來食埋個早餐先。一早來到，人流未多，清清靜靜食個早餐都幾好喔!揀咗食個全日早餐，兩個人一齊share，再補加一杯熱咖啡。咖啡係即磨，好香濃。一般茶記都唔會有即磨咖啡的，呢度有，算特別。全日早餐份量好大，一個人一定食唔晒，兩個人share，就啱啱好。有香草牛油多士、炒香菇、火腿、煙肉、炒蛋、茄豆、香腸。分一半，份量都多過平時食一個普通早餐好多。味道都OK 㗎，最緊要啲嘢食係熱的，唔似其他啲快餐店。