影片
更多
2021-03-09
932 瀏覽
餐廳係由前三星台菜老闆娘傅佩嘉新開既，一上到黎二樓，就覺得呢度既裝潢比人一種好簡單好舒服既感覺。佢有賣各式台式食品，有湯麵、乾麵、飯、小食，甚至有鴨血煲，呢度係用QR code 手機落單，方便簡單。今次同朋友就叫左一個湯麵一個乾麵，兩個都好好味，係正宗既台灣味道，下次黎想再試埋佢既麻辣鴨血煲同埋鹽酥雞，見到隔離枱有嗌好似好好食咁🤤1️⃣酒香椒麻牛肉絲拌麵（$54）有得揀幼麵或者手工寬麵，我揀左幼麵，麵質有咬口，唔會太淋煮得太耐。本身諗住拌麵啲餸應該會偏少，但係佢牛肉絲份量好足，食到尾都仲有。同埋佢每款麵都有配兩碟小菜👍兩碟都好好味，個榨菜唔會太鹹，就咁食定係撈埋落個麵到食都好好味，另外個醃蘿蔔，我好鍾意，酸酸地好開胃，同埋好爽脆。個拌麵酒香我就唔係好食得出la，但係麻香味好重，越食越麻，真係好正，食兩啖，再食下佢酸酸地既醃蘿蔔，再食多兩啖麵，哇好正，宜家諗翻起都想再食過🤤不過佢既溏心蛋我就覺得太熟la，完全冇流心既效果，不過都唔影響我對成個麵既觀感。 2️⃣紅燒牛肉麵（$68）紅燒牛肉麵基本上係我去親食台灣嘢都必點既，今次呢款揀左手工寬麵，麵條煙韌有彈性，同幼麵既感覺完全唔同，但係我都好鍾意
1️⃣酒香椒麻牛肉絲拌麵（$54）
有得揀幼麵或者手工寬麵，我揀左幼麵，麵質有咬口，唔會太淋煮得太耐。本身諗住拌麵啲餸應該會偏少，但係佢牛肉絲份量好足，食到尾都仲有。同埋佢每款麵都有配兩碟小菜👍兩碟都好好味，個榨菜唔會太鹹，就咁食定係撈埋落個麵到食都好好味，另外個醃蘿蔔，我好鍾意，酸酸地好開胃，同埋好爽脆。個拌麵酒香我就唔係好食得出la，但係麻香味好重，越食越麻，真係好正，食兩啖，再食下佢酸酸地既醃蘿蔔，再食多兩啖麵，哇好正，宜家諗翻起都想再食過🤤不過佢既溏心蛋我就覺得太熟la，完全冇流心既效果，不過都唔影響我對成個麵既觀感。 2️⃣紅燒牛肉麵（$68）
紅燒牛肉麵基本上係我去親食台灣嘢都必點既，今次呢款揀左手工寬麵，麵條煙韌有彈性，同幼麵既感覺完全唔同，但係我都好鍾意。牛肉麵最緊要係個湯底，碗麵一黎到，即刻試左試個湯底，湯底清甜好飲，唔會令人覺得食完之後會好頸渴。另外呢度湯麵除左跟兩款小菜之外，仲會跟一碟油炸鬼，比較少係其他台式餐廳見到。油炸鬼浸一浸係個湯到食，索曬啲湯汁，食落面頭仲有少少脆脆地口感，好滿足😌同埋呢度既牛肉都比得幾大塊，煮得夠淋夠入味。
張貼
