浜 (已結業)

之前嚟過食晚飯,知道佰地出咗happy hour, 啱啱好唔係好肚餓, 試咗個$68飲之放題, 咁嘅價錢絕對有信心返本啦. 啱晒同兩個friend吹吓水, 再叫咗串燒牛利, 炸豆腐球, 重有燒鷄腎。牛利燒得好好味,要追加, 豆腐球幾吸引, 入面有D東菇, 幾香幾好味, 鷄腎夠爽, 個汁夠味, 不過唔夠食, 要追加咗兩客。叫多個炸秋刀魚, 幾特別, 以為原條上, 原來捲住紫蘇葉炸, 送酒不俗。跟住再試咗個雪場蟹鍋, 個湯幾清甜, D蟹腳都OK, 唔錯。最後用炒飯作結尾, 啱啱好。同兩個friend傾完心事,己經吾記得飲咗幾多, 咁抵，一定會再黎。