韓牛韓式燒烤 (已結業)

點樣為之全家大細都岩食呢，一來地點方便係旺角好就腳，出地鐵行幾分鐘就到。二來食物種類多到講唔完，雖則叫韓燒，熱食冷盤多到似食自助餐環境好闊落又乾淨，唔會煙霧迷漫飲品種類唔算太多，不過汽水啤酒健康飲品都有齊，算係中規中矩。一開始仲洗講，梗係食壽司刺生先啦，最搶手嘅三文魚成日都清曬，不過員工refill得好快，可以放心任食仲有沙律bar可以自製沙律隨意加醬唔食生野冇問題，熟食都有好多選擇嫁，有湯蔬菜海產前菜都有，任君選擇。不過我個人就冇咩點食熟食，要留返個肚專食牛啊嘛!所以，我淨係食左白雲鳳爪，辣辣地都幾開胃啊牛啊牛!黎到今日嘅主角啦!當然，除左牛，都唔少得有雞，羊，豬，魚。食得咁多肉一定要食返啲菜平衡下，紅椒青椒菇生菜都好新鮮，生菜同韓牛係perfect match!甜品都唔少野嫁，豆腐花，番薯糖水暖暖地又得，想冷冰冰嘅食雪糕雪條又得，鍾意食榴槤一定會好like依度嘅榴槤雪條。唔夠喉的話仲有一大個櫃嘅甜品啊係喇，仲有小朋友至愛朱古力噴泉同埋雪糕機嫁