茶木‧台式休閒餐廳 (已結業)

我時常都很懷疑，究竟好似茶木這種在後生界別裏潮興的舖頭是否適合我這個70後，終於在太太的提議下在某個假日我們排隊去了~唔知道是否幸運，在大廈大堂前一班客人首先乘搭左邊升降機，而我們要等下一班即右邊升降機，竟然我和太太可以不用等位便拿下最後的二人位，而我認得後來要等位的那班客人就是乘前一班升降機的！ 午餐點了...前菜選木耳，麻油味香濃，木耳爽脆~主菜選三杯雞，當知道係雞翼重要砍半， 實際得兩隻半雞翼已經想大爆英文字 (午餐價又唔算實惠), 但凡雞翼在剛煮起的情況下又點會唔爆油唔好味... 麻油香味會多過酒味~肉燥飯唔夠撈，但真係煮得幾好味，煙煙韌韌嘅飯又加上濃厚嘅醬油甜味，真係好送飯~太太話加錢轉杯果茶，我又點可以唔認同，因為睇相又真係好引人...Lipton紅茶嘅茶味有幾削係人都知，不過加咗果汁落去又balance了不少，但點解越飲越覺得有怪味，似係糖精/代糖之類嘅怪味，攪兩攪俾我見到有粒話梅浮浮沉沉，唔怪得有糖精味！ 將呢杯原來好有營養嘅飲品破壞掉~睇嚟後生嘅玩意唔適合我們兩條老鬼吧! 後生仔女錢真好賺！