影片
更多
2021-10-23
44 瀏覽
平時去西貢白沙灣碼頭，都係會打算喺附近嘅小島嗰度玩，附近都比較少餐廳。今日偶然之間發現原來喺白沙灣碼頭酒店地下，有一間好特別嘅日式餐廳，於是就入去試吓。和食之劇場呢間餐廳位於西貢白沙灣海邊，餐廳嘅座位有戶外同埋室內之分，唔怕太陽曬嘅話，可以選擇坐喺戶外，望住個海景食飯，非常賞心悅目，淨係個景色都已經令人陶醉。首先就係前菜，有沙律同埋溫泉蛋，溫泉蛋整得真係好好食，啱啱好接近流心同埋柔軟嘅狀態，廚師嘅時間掌握得非常之好，再配上埋佢哋自己嘅醬汁，非常好食，淨係食前菜已經好滿足。我哋揀咗個壽司定食同埋銀雪魚定食。壽司定食會係有廚師發板，揀選當日最新鮮嘅食材製作壽司，保證係新鮮美味。我哋今日就有深海池魚，鯖魚，海膽，帶子，蝦，吞拿魚等等。帶子上面加上左竹炭，竹炭溝咗少少鹽，鹹鹹地嘅味道非常之特別，唔需要額外嘅調味就已經好好食。海膽更加係極品，本身我都好鍾意食海膽，所以海膽壽司絕對係我嘅必食之選。佢嘅海膽好鮮味，完全都唔會腥，而且份量都唔少，一大份放喺壽司上面，食落好滿足。鯖魚壽司上面，加咗昆布同埋紫蘇葉，配搭真係非常之好，夏天食好醒胃。再加上吞拿魚腩拖羅壽司，入口即溶，簡直係完美嘅配搭。另外我哋
和食之劇場呢間餐廳位於西貢白沙灣海邊，餐廳嘅座位有戶外同埋室內之分，唔怕太陽曬嘅話，可以選擇坐喺戶外，望住個海景食飯，非常賞心悅目，淨係個景色都已經令人陶醉。
首先就係前菜，有沙律同埋溫泉蛋，溫泉蛋整得真係好好食，啱啱好接近流心同埋柔軟嘅狀態，廚師嘅時間掌握得非常之好，再配上埋佢哋自己嘅醬汁，非常好食，淨係食前菜已經好滿足。
我哋揀咗個壽司定食同埋銀雪魚定食。壽司定食會係有廚師發板，揀選當日最新鮮嘅食材製作壽司，保證係新鮮美味。
我哋今日就有深海池魚，鯖魚，海膽，帶子，蝦，吞拿魚等等。
帶子上面加上左竹炭，竹炭溝咗少少鹽，鹹鹹地嘅味道非常之特別，唔需要額外嘅調味就已經好好食。
海膽更加係極品，本身我都好鍾意食海膽，所以海膽壽司絕對係我嘅必食之選。佢嘅海膽好鮮味，完全都唔會腥，而且份量都唔少，一大份放喺壽司上面，食落好滿足。
鯖魚壽司上面，加咗昆布同埋紫蘇葉，配搭真係非常之好，夏天食好醒胃。
再加上吞拿魚腩拖羅壽司，入口即溶，簡直係完美嘅配搭。
另外我哋亦都叫咗銀雪魚定食，喺銀雪魚上面，加咗一條辣椒，上面亦都鋪滿咗好多嘅海膽粉，呢個配搭我都係第一次見，估唔到又幾好食。辣椒唔會話太辣，只係有少少辣味，配搭銀雪魚係非常之好食，再點少少蛋黃醬，成個感覺就好creamy。今餐嘅烏冬亦都好煙銀好有咬口，食到飽一飽，滿足。
最後甜品就係芝麻雪糕，可以喺炎熱嘅太陽底下，食一口冰涼嘅雪糕，真係好舒服嘅感受。芝麻雪糕應該亦都係餐廳自己製作，可以食得出粒粒嘅芝麻，絕對係用心嘅製作。
整體來講，餐廳嘅級數係非常之好，而且正正喺白沙灣碼頭隔離，可以一邊望住過海一邊食飯，係一個非常之大嘅優勢，不過餐廳都比較多人，所以預先訂枱會比較好啲。
張貼
