等一隻貓咖啡 (已結業)

話說朋友係愛貓之人，但無奈香港居住環境限制多多，好多愛貓嘅人唔代表有能力可以養貓，至於養貓係一生一世嘅事，考慮清楚先可以養！但有句說話叫「領養代替購買」，朋友帶我嚟呢間貓貓cafe，就係由店主將流浪貓貓喺到cafe照顧，再希望搵到合適嘅人家領養回家！成件事太有愛了～所以一於過嚟支持下！我地一到門口！OMG！有隻白貓竟然坐定定等我地開門哈哈哈，太sweet了，然後店員叫我地脫鞋、消毒就可以進去啦！餐廳大概有5-6隻駐場貓貓，佢地都好聽話，唔會怕生！好識同客人玩添呀！嚟到餐廳呢到，除咗可以睇貓貓，仲可以點呢個到set，一邊食下野再同貓貓玩，一邊又可以支持下餐廳對貓貓嘅起居飲食，一舉兩得！首先我試咗呢個花茶：紅棗桂圓玫瑰花茶，養生又健康！一邊girl talk一邊飲就剛剛好，可以慢慢嘆～之後我地食咗兩件千層蛋糕！雲喱拿原味+抺茶味！雖然當然無大牌子咁高級，但相對嘅價錢又算唔錯啦，cream好滑皮又薄！最後當初想幫幫餐廳呼籲有心人士領養可愛貓貓！加油喔！(ﾐ´ω`ﾐ)