影片
更多
2018-06-01
6000 瀏覽
作為90後哈利波特呢套電影一定係陪住大家長大同90後既回憶黎。以前細過每出新一集一定要叫媽咪帶我入戲院睇，雖然人仔細細當時睇可能未必完全明白戲中內容但都必定係一出就要睇既電影。 到大個重新睇翻既時候先真正明白套戲講咩，細個咁迷係因為覺得電影入面所有野都好得意有趣。印象最深刻一定係坐住掃把飛同穿牆。一直以黎有好多關於哈利波特既餐廳，主題樂園不過好多都係外國多 但最近發現係香港鬧市旺角區竟然有間哈利波特既主題餐廳！第一時間緊係要同男朋友去代入下角色啦haha本來期望唔算好高，但一入到餐廳已經覺得自己好似即刻入左另一個世界。餐廳既裝修，擺設真係做到同電影入面差唔多。最中意係有架行李車仲有貓頭鷹真係所有回憶翻哂黎！仲有魔法棒比大家拎黎影相，有得食又有得打卡 搞到我同男朋友都忍唔住影左好多相(難得可以代入下角色哈哈！)一坐低店員已經好溫柔細心咁為我地介紹今日精選，最後簡左店員推介既野加小小自己簡既黎試下。睇餐牌既時候已經覺得好得意，點解？因為基本上所有餐牌上既食物都係以電影元素黎作食物名會令客人更加代入同增添趣味。 除此之外，不得不提既係佢個水杯係好似不倒翁咁樣搖下搖下 一開頭大家都唔知既時候都
以前細過每出新一集一定要叫媽咪帶我入戲院睇，雖然人仔細細當時睇可能未必完全明白戲中內容
但都必定係一出就要睇既電影。 到大個重新睇翻既時候先真正明白套戲講咩，細個咁迷係因為覺得電影入面所有野都好得意有趣。印象最深刻一定係坐住掃把飛同穿牆。
一直以黎有好多關於哈利波特既餐廳，主題樂園不過好多都係外國多
但最近發現係香港鬧市旺角區竟然有間哈利波特既主題餐廳！第一時間緊係要同男朋友去代入下角色啦haha
本來期望唔算好高，但一入到餐廳已經覺得自己好似即刻入左另一個世界。
餐廳既裝修，擺設真係做到同電影入面差唔多。最中意係有架行李車仲有貓頭鷹真係所有回憶翻哂黎！仲有魔法棒比大家拎黎影相，有得食又有得打卡 搞到我同男朋友都忍唔住影左好多相(難得可以代入下角色哈哈！)
一坐低店員已經好溫柔細心咁為我地介紹今日精選，最後簡左店員推介既野加小小自己簡既黎試下。睇餐牌既時候已經覺得好得意，點解？因為基本上所有餐牌上既食物都係以電影元素黎作食物名
會令客人更加代入同增添趣味。
除此之外，不得不提既係佢個水杯係好似不倒翁咁樣搖下搖下 一開頭大家都唔知既時候都嚇左嚇 驚倒瀉！
影完一輪終於有野食！！！
頭盤方面我地叫左個好得意既沙律 - 禁忌森林大蜘蛛沙律唔好比個名嚇親 其實佢係軟殼蟹沙律黎既~~
一上枱就覺得份量比想像中大同多
熱既軟殼蟹配酸酸地既沙律醬出奇地夾既 而且因為有菜既關係所以唔會話好漏
96 瀏覽
0 讚好
0 留言
跟住黎既就係小食 - 飛飛禽 ( 香酥雞翼)
男朋友係雞翼控所以話點都要試下雞翼 一黎到已經聞到好香既炸野味
食落去炸得好酥脆 配埋沙律醬都幾夾，沙律醬感覺可以去左油膩感！
所以食哂都無話好飽既感覺 因為仲有好多野食架嘛！
88 瀏覽
0 讚好
0 留言
先講下牛尾先 廳師燴到牛尾好軟身食落唔會覺得有好多根之餘仲好細心為客人切開一小件方便進食
但個人覺得如果個汁可以再濃少少會更加好食！！！
85 瀏覽
0 讚好
0 留言
芝士蜆肉蘑菇燴意大利飯賣相雖然無我地想像中咁特別，不過食落就發現佢好creamy加上每食一啖都會有蜆肉食到 可見餐廳都落足料架！加上芝士既香味真係令人流口水
77 瀏覽
0 讚好
0 留言
飲品方面就點左兩杯好得意既飲品吐真劑(青蘋果乳酸)同愛情魔藥(士多啤梨乳酸)
個人都幾中意飲乳酸但有時出去餐廳飲會好怕飲品會變藥水味
不過好彩呢間既飲品就無呢個問題，反而好香青蘋果同士多啤梨味！
飲品仲好得意，會識發光！小小既裝飾就令成件事更加變得哈利style！
111 瀏覽
0 讚好
0 留言
95 瀏覽
0 讚好
0 留言
不過今次真係食到好滿足所以就未有機會試到甜品，下次黎食一定要試下！！
157 瀏覽
0 讚好
0 留言
張貼
