雲桂香米線專門店 (已結業)

最近兩大日本服裝連鎖店做特價，正好可以買隊衫，相約友人到TST一齊掃貨，買呀買呀......又到10點多，雖然比較夜，但身處TST唔怕冇野食，係厚福街搵食，間間都走去𥄫下，見到呢間雲桂香，雖然佢有好多連所店，但從未食過，見到價格合理又啱食即入去了。 落地下1層，餐廳內堂面積頗大，裝潢十分歐陸風﹐想像唔到係食米線呀。 Menu，都幾多選擇，本身想食辣，但因最近太熱氣食返清點。 夏日飲可樂爽。 蟲草花雞湯米線，＄47。 好大碗米線，蟲草花﹐聽落好養身，酒味雞湯底，雞湯濃味，唔覺太有酒味﹐水晶粉爽滑彈牙，吸收了雞湯的精華更美味，雞肉份量多，肉質唔算好滑但正常水準，有埋生菜都幾好呀。食物味道不俗，坐得幾舒服，服務態度友善，營業時間到凌晨12:00，又多一入夜食飯之選。