天龍海鮮火鍋 (已結業)

約咗朋友去先達附近買啲嘢，所以就喺附近覓食了。見到打邊爐就即刻吸引晒我哋入去，雖然餐廳嘅位置比較偏僻，但餐廳距離地鐵站嘅路程其實只需幾分鐘，所以其實都算係清靜得來又幾方便嘅。我哋叫咗一個原味椰子雞鍋，同埋好多嘅配料。先講一講個雞鍋，極之入味，好重好重嘅椰子味，可以見到個煲底其實都有好多椰子，可見佢係好足料嘅。配料方面，有一個叫做即炸紫菜響鈴，我認為好好食，脆卜卜嘅響鈴，平時就咁食已經好香口，但加埋紫菜之後，令整個感覺更有層次，口感更豐富。仲有不得不提嘅係娃娃菜，浸完係個煲度，好索椰子味，好香，好正。