八歌仙 (家樂坊) (已結業)

放假去朗豪坊睇戲，朋友提議嚟呢個餐廳食燒肉放題。餐廳以木系作主調，裝修雅致，衛生企理👏🏻👏🏻A5熊本和王日本和牛（$688/位），價錢係咁多個套餐之中最貴，但絕對係物超所值💰 肉味比一般和牛更為濃郁，肉質更加細膩，真正做到入口即溶嘅效果！香草牛油廣島蠔燒熟後牛油會完全融化，令蠔充分吸收香草同牛油嘅濃郁香味～雞腿肉串肉質飽滿，燒完呈金黃色😍 塗上醬汁後，色香味十足！芝士年糕外層鬆脆，內裡流心，口感煙煙韌韌。芝麻雞翼炸得夠乾身，一咬爆汁好juicy🤤🤤估唔到三文魚壽司都唔錯，肉質鮮美，一啲都唔腥👍🏻 呢度仲有多款特色天婦羅，玉米芯天婦羅就係其中之一，香脆爽口，值得一試！