影片
更多
2023-02-06
83 瀏覽
趁住仲係涼涼地既天氣，去左食燒肉!首先店員會幫手開爐，兩側就擺放粟米芝士同埋泡菜蛋，等佢地係上菜前慢慢煮熟起黎。芝士送肉一流! 另外仲有其他前菜、生菜、醬汁、沙律等，未開始食已經好架勢。壺漬牛肋骨，係已經腌好既牛肋骨，一整條好長下，剪開一少塊一少塊咁燒，燒完味道甜甜地～肉質軟嫩又好香，我覺得呢款係必點!大蔥切牛舌 (鹽燒)，燒完有彈牙感唔韌，都幾有牛味。大八爪魚，真係原隻八爪魚，觸鬚條條好粗壯，已腌有香辣味。雖然我地都燒左好耐下，但依舊彈牙爽口。25日熟成濟洲黑毛豬五花肉，份量好多下，好似一塊大漢堡咁。豬肉厚身，我地將佢剪成一粒粒，香濃既豬味再加上有炭燒感，包埋生菜食健康又可去油膩感。新鮮鰻魚(半份)，又係大大條好肥美厚肉，剪開一舊舊邊燒邊塗鰻魚燒汁，塊皮同魚肉都超級香軟，冇諗過自己燒都燒得咁好味! 豪快蘋果醬油雞腿，好搶火既大雞腿，記住要擺爐比較邊既位置，需要比較耐既時間去燒但仍然非常juicy! 肉質嫩滑，雞皮更加係邪惡!濟洲特飲係芒果類特飲似係芒果茶，酸酸甜甜。荔枝梳打好爽，食燒肉飲有氣既野真係gur 晒。7點入座都已經好full，下次要食都記得要book先得啦!
首先店員會幫手開爐，兩側就擺放粟米芝士同埋泡菜蛋，等佢地係上菜前慢慢煮熟起黎。芝士送肉一流! 另外仲有其他前菜、生菜、醬汁、沙律等，未開始食已經好架勢。
壺漬牛肋骨，係已經腌好既牛肋骨，一整條好長下，剪開一少塊一少塊咁燒，燒完味道甜甜地～肉質軟嫩又好香，我覺得呢款係必點!
大蔥切牛舌 (鹽燒)，燒完有彈牙感唔韌，都幾有牛味。
大八爪魚，真係原隻八爪魚，觸鬚條條好粗壯，已腌有香辣味。雖然我地都燒左好耐下，但依舊彈牙爽口。
25日熟成濟洲黑毛豬五花肉，份量好多下，好似一塊大漢堡咁。豬肉厚身，我地將佢剪成一粒粒，香濃既豬味再加上有炭燒感，包埋生菜食健康又可去油膩感。
新鮮鰻魚(半份)，又係大大條好肥美厚肉，剪開一舊舊邊燒邊塗鰻魚燒汁，塊皮同魚肉都超級香軟，冇諗過自己燒都燒得咁好味!
豪快蘋果醬油雞腿，好搶火既大雞腿，記住要擺爐比較邊既位置，需要比較耐既時間去燒但仍然非常juicy! 肉質嫩滑，雞皮更加係邪惡!
濟洲特飲係芒果類特飲似係芒果茶，酸酸甜甜。荔枝梳打好爽，食燒肉飲有氣既野真係gur 晒。
7點入座都已經好full，下次要食都記得要book先得啦!
張貼
