影片
更多
2022-08-30
913 瀏覽
而家旅行飛唔到日本！要旅行團先得！唔緊要啦，喺香港食日本菜頂住先。焱丸水產都真係幾多客人，次次都要訂枱先搞得掂㗎 ！入面都好適合影相，扮去咗旅行。蟹味噌甲羅燒+黑松露蟹肉甲羅燒非常打卡，而且真係鹹香十足，蟹味嗰隻就清新嘅鹹香，黑松露嗰隻香味更加突出！配搭特別。鮑魚殼燒超新鮮，本身仲識郁，時間安排得好好，啱啱熟而且好有彈性，鮮味十足。麻醬蕃茄豆腐沙律一定要加麻醬，豆腐勁香滑，蕃茄都好清甜，沙律以爽甜嘅菜為主，成件事好match。辣味(妹)豆腐鍾意豆腐嘅我哋揀多款豆腐，呢個外皮金黃香脆，仲有好香辣，但係裏面依然保持水份及滑嫩的質感！特上壽司盛合有超多款式，例如三文魚腩，拖羅等等，相當肥美，鮮味十足，值得推介！仲有蟹肉、蟹膏、三文魚子、海膽、甜蝦、帶子等等，味道鮮甜。也有鐵火卷（吞拿魚卷）。岩手縣生蠔質感creamy，口感爽口加上小青檸，好refresh。轟炸雞上到嚟嘅時候熱辣辣，要等一等先食，外皮金黃香脆，裏面嘅雞肉保持水份同埋質感都好滑呢！飲品方面就揀咗洋梨燒酎青蘋果颱風乳酸洋梨燒酎味道清甜，小清新；青蘋果乳酸有咁多片青蘋果全部疊高晒，打卡一流！
唔緊要啦，喺香港食日本菜頂住先。
焱丸水產都真係幾多客人，次次都要訂枱先搞得掂㗎 ！入面都好適合影相，扮去咗旅行。
蟹味噌甲羅燒+黑松露蟹肉甲羅燒
非常打卡，而且真係鹹香十足，蟹味嗰隻就清新嘅鹹香，黑松露嗰隻香味更加突出！配搭特別。
鮑魚殼燒超新鮮，本身仲識郁，時間安排得好好，啱啱熟而且好有彈性，鮮味十足。
麻醬蕃茄豆腐沙律一定要加麻醬，豆腐勁香滑，蕃茄都好清甜，沙律以爽甜嘅菜為主，成件事好match。
辣味(妹)豆腐鍾意豆腐嘅我哋揀多款豆腐，呢個外皮金黃香脆，仲有好香辣，但係裏面依然保持水份及滑嫩的質感！
特上壽司盛合有超多款式，例如三文魚腩，拖羅等等，相當肥美，鮮味十足，值得推介！仲有蟹肉、蟹膏、三文魚子、海膽、甜蝦、帶子等等，味道鮮甜。也有鐵火卷（吞拿魚卷）。
岩手縣生蠔質感creamy，口感爽口加上小青檸，好refresh。
轟炸雞上到嚟嘅時候熱辣辣，要等一等先食，外皮金黃香脆，裏面嘅雞肉保持水份同埋質感都好滑呢！
飲品方面就揀咗
洋梨燒酎
青蘋果颱風乳酸
洋梨燒酎味道清甜，小清新；青蘋果乳酸有咁多片青蘋果全部疊高晒，打卡一流！
張貼
