影片
更多
2023-08-29
35 瀏覽
好多時候一句簡單歌詞可以觸動一個人既心靈。曾經聽過一首歌歌詞係咁:龍虎豹好睇，好睇，但係就好很貴。我以前每次聽到熱淚盈眶，身同感受。依家有錢買，但係又唔想睇lu。反而黎下呢間餐廳，適度咁懷緬下都幾好呀！🍖 哩度係變種嘅日本菜，既保留傳統嘅菜式，又係烹調上增加新意。Snapper carpaccio 其實就係sashimi 不過用左油浸嘅方式，加上薄切既紅色辣椒，適當調味左。由於carpaccio比一般嘅日式刺身切薄好多，如果一浸豉油，就會咸到不得了，所以呢一種調味方法，有細心考慮左味道同埋材料本身嘅配搭。🍖炸雞同埋炸粟米明太子其實就係唐揚同天婦羅既變種，炸雞比較貼近唐揚既做法，但係個芝士醬配搭上黎，就相對有新鮮感同埋煥然一新嘅感覺。炸粟米明太子，有別於一般天婦羅薄粉，炸得相對厚身，反而剛剛好包住兩樣材料嘅口感同埋味道。🍖叫左兩樣卷物，哥斯拉炸卷，裡面有三文魚同埋忌廉芝士，外面輕輕炸左一下。鰻魚牛油果卷，兩種綿滑嘅材料交纏埋一齊。前者比較重味有咬感，後者比較順滑易入口，一剛一柔。不禁覺得自己擇菜擇得好。🍺飲品一杯係Highball 加檸檬皮，另一杯係冇酒精嘅Momo Saida. 飲品嘅
好多時候一句簡單歌詞可以觸動一個人既心靈。曾經聽過一首歌歌詞係咁:龍虎豹好睇，好睇，但係就好很貴。我以前每次聽到熱淚盈眶，身同感受。依家有錢買，但係又唔想睇lu。反而黎下呢間餐廳，適度咁懷緬下都幾好呀！
🍖 哩度係變種嘅日本菜，既保留傳統嘅菜式，又係烹調上增加新意。Snapper carpaccio 其實就係sashimi 不過用左油浸嘅方式，加上薄切既紅色辣椒，適當調味左。由於carpaccio比一般嘅日式刺身切薄好多，如果一浸豉油，就會咸到不得了，所以呢一種調味方法，有細心考慮左味道同埋材料本身嘅配搭。
🍖炸雞同埋炸粟米明太子其實就係唐揚同天婦羅既變種，炸雞比較貼近唐揚既做法，但係個芝士醬配搭上黎，就相對有新鮮感同埋煥然一新嘅感覺。炸粟米明太子，有別於一般天婦羅薄粉，炸得相對厚身，反而剛剛好包住兩樣材料嘅口感同埋味道。
🍖叫左兩樣卷物，哥斯拉炸卷，裡面有三文魚同埋忌廉芝士，外面輕輕炸左一下。鰻魚牛油果卷，兩種綿滑嘅材料交纏埋一齊。前者比較重味有咬感，後者比較順滑易入口，一剛一柔。不禁覺得自己擇菜擇得好。
🍺飲品一杯係Highball 加檸檬皮，另一杯係冇酒精嘅Momo Saida. 飲品嘅感覺都好日本。而個塊檸檬皮，喺杯飲品嘅靈魂，有畫龍點睛的作用，令到杯飲品更加清新。
✨️今晚星期一，呢度已經有好多人，我覺得氣氛好，主題特別，加上懷舊嘅霓虹燈作門面。杯碟同室內佈置又似層相識，所以係三五知己飲飲食食嘅一個好地方。
3 瀏覽
0 讚好
0 留言
張貼
