影片
更多
2022-07-20
176 瀏覽
宜家飲茶唔一定去茶樓，又逼又嘈，可以去啲點心專門店，同樣可以試到即製嘅手工點心！呢間位於紅磡、黃埔附近嘅點心舖真心抵食，點心係每日由師傅人手製作，誠意十足！點心大件抵食，仲要全日免加一，茶錢都係$5/位，值得黎試下佢！------------------------------🍞◖流沙奶黃包◗ $18每次去飲茶一定要食！一籠有兩大粒，外表已經好吸引！一搣開個奶黃就流曬出黎，個餡濃郁唔會好甜又有少少起沙，熱辣辣咁！唯一美中不足嘅就係外皮有啲韌，但整體都好食！🍤◖匠心蝦餃王◗ $18呢到嘅招牌！蝦餃王大大粒，外皮畫咗兩筆金箔好靚！蝦餃皮幾薄，口感煙韌，入面有好多蝦肉，食落一啲粉漿感都冇，推薦！🥟◖鮮蝦菜苗餃◗ $18好似餃子咁大粒嘅菜苗餃，餃皮晶瑩剔，皮薄餡大！菜苗有啲蒜蓉味，幾惹味，入面有好足料嘅蝦肉，彈牙爽口，好鮮甜！🐷◖蜜汁叉燒包◗ $18飲茶必備no.2！一籠有兩個，蜜汁叉燒餡半肥瘦，味道正常，勝在夠大個。🐟◖百花釀魚肚◗ $32面頭有啲蝦滑同蟹子，食到粒粒蝦仁，咬落去幾脆口富層次感；魚肚都好吸汁爽口，好juicy！🐂◖麻辣牛柏葉◗ $28牛柏葉口感爽脆，加埋麻辣汁辣辣地，幾🥭◖芒
------------------------------
🍞◖流沙奶黃包◗ $18每次去飲茶一定要食！一籠有兩大粒，外表已經好吸引！一搣開個奶黃就流曬出黎，個餡濃郁唔會好甜又有少少起沙，熱辣辣咁！唯一美中不足嘅就係外皮有啲韌，但整體都好食！
🍤◖匠心蝦餃王◗ $18
呢到嘅招牌！蝦餃王大大粒，外皮畫咗兩筆金箔好靚！蝦餃皮幾薄，口感煙韌，入面有好多蝦肉，食落一啲粉漿感都冇，推薦！
🥟◖鮮蝦菜苗餃◗ $18
好似餃子咁大粒嘅菜苗餃，餃皮晶瑩剔，皮薄餡大！菜苗有啲蒜蓉味，幾惹味，入面有好足料嘅蝦肉，彈牙爽口，好鮮甜！
🐷◖蜜汁叉燒包◗ $18
飲茶必備no.2！一籠有兩個，蜜汁叉燒餡半肥瘦，味道正常，勝在夠大個。
🐟◖百花釀魚肚◗ $32
面頭有啲蝦滑同蟹子，食到粒粒蝦仁，咬落去幾脆口富層次感；魚肚都好吸汁爽口，好juicy！
🐂◖麻辣牛柏葉◗ $28
牛柏葉口感爽脆，加埋麻辣汁辣辣地，幾
🥭◖芒果河粉◗ $28
得weekend先有嘅期間限定！河粉質地好有咬口，係蒟蒻果種口感，帶有少少椰香；有鮮甜芒果鋪面，好香甜！
🦑◖秘制咖喱魷魚◗ $28
魷魚肉質軟腍，咖喱都幾辣，但汁唔太夠，偏乾身。
🍵◖茶位◗ $5/人
Encore指數：8/10
------------------------------
上面點心根據個人口味做咗個排行🥇，上面幾款大力推薦！呢間點心店高質又抵食，店員態度好主動friendly，食物同環境比起酒樓都好好多！食完唔夠皮嘅話仲可以外賣佢啲點心拎返去整熱佢黎食，王牌果幾款都可以買凍嘅走，見都好多食客食完都會買啲走！
張貼
