影片
更多
2023-07-23
1531 瀏覽
今日天氣熱辣辣，和家人嚟咗食壽司郎。今次已經係第二次嚟呢間分店，因為夠曬平靚正。我哋三個人連加一都唔駛$300就落得樓，比起去飲茶真係非常實惠。當然老人家始終係鍾意慢慢嘆吓茶，坐返粒幾兩粒鐘咁先夠皮啦！但當你趕時間，強烈建議大家可以嚟食返個光速餐我哋用apps一早預約咗，等咗5分鐘有枱就入得。職員安排我哋坐低之後，就急不及待捧起部ipad就落單啦！每次只可以點四碟，點知真係極速地輸送上食物來。我哋又食得好快，一件一件咁KO掉。結果大約半個鐘就已食飽飽啦！講返食物質素，性價比確實係高😁如果唔係都唔會長期有咁多人喺門口等位啦😆呢個價錢絕對係超值，元X嗰啲起碼要過$300以上。我已冇幫襯元X好多年喇😆另外，SUSHIRO經常會有期間限定items, 啱曬我呢啲鍾意試新嘢嘅人啦。今日最正嘅係$12/2嘅藍鰭吞拿大切，肉質新鮮味美，我哋三個人總共encore 咗幾轉😆赤蝦好大隻兼且爽口彈牙，絕對令人欲罷不能😋😋🤤我哋大戰咗半粒鐘，總共14隻紅碟（$12@）、3隻銀碟（$17@）同埋2隻金碟（$22@），滿足地捧住個肚仔，踏上另一征途了✈️
我哋用apps一早預約咗，等咗5分鐘有枱就入得。職員安排我哋坐低之後，就急不及待捧起部ipad就落單啦！每次只可以點四碟，點知真係極速地輸送上食物來。我哋又食得好快，一件一件咁KO掉。結果大約半個鐘就已食飽飽啦！
講返食物質素，性價比確實係高😁如果唔係都唔會長期有咁多人喺門口等位啦😆呢個價錢絕對係超值，元X嗰啲起碼要過$300以上。我已冇幫襯元X好多年喇😆
另外，SUSHIRO經常會有期間限定items, 啱曬我呢啲鍾意試新嘢嘅人啦。今日最正嘅係$12/2嘅藍鰭吞拿大切，肉質新鮮味美，我哋三個人總共encore 咗幾轉😆赤蝦好大隻兼且爽口彈牙，絕對令人欲罷不能😋😋🤤
我哋大戰咗半粒鐘，總共14隻紅碟（$12@）、3隻銀碟（$17@）同埋2隻金碟（$22@），滿足地捧住個肚仔，踏上另一征途了✈️
張貼
