大本瀛日式放題

營業中

休息中

平時夜晚食放題就食得多啦，第一次同朋友食午市放題，我就揀左呢間係兆萬既大本灜。因為之前試過佢既晚市放題，真係性價比極高，今日一於再食多次啦。佢既刺身超級多款，就連蝦都有4種比你揀，岩哂最鍾意食蝦既我呀。而且最抵既係，連帶子都有得叫，佢仲要係大大粒果種帶子，平時出面賣都起碼10幾蚊粒，食多幾粒已經回本啦。壽司方面，佢有好多款唔同既黑松露壽司。放題竟然都有得食黑松露，真係落好重本呀。而且佢既黑松露食落勁香，一食就知係高質果種。除左壽司之外，佢既熟食都好出色。例如呢個牛舌，咬落又香又唔會太硬。牛仔骨都好香，好重牛味。呢個白雲鳳爪夠哂辣，又無骨，食落好方便。辣得岩岩好，令我愈食愈開胃呀。串燒方面，呢個燒冬菇都好值得一讚。平時食燒菇最怕既就係燒到乾哂，佢燒得岩岩好，個菇咬落仲有好多汁嫁。呢間放題真係又平又好味，雖然午市食唔落好多野，但佢既食物咁高質，真係食少少已經回本啦。朋友們都話，下次食放題一定要再黎呢間食呀。