Nutmad (已搬遷) 新店位置

星期日下午3點幾嚟到呢間位於工廠大廈嘅咖啡店。嚟到嘅時候店內八成滿座，但店員都好快就安排咗我地入座。店內佈置簡潔，感受令人放鬆。我地坐係窗前，可以望到觀塘區嘅街景同藍藍天空。店員一開始問我地介唔介意坐窗位，我地當然唔介意，有風景好過無風景啊😂好多時，顧客去咖啡店都唔係為飲啡，或者唔係只為飲啡，而係食嘢。呢度都唔例外，而因為呢度嘅廚房係開放式，所以成程都聞到好香嘅嘢食味道。而我地過嚟只係為咗坐下、飲下嘢、傾下偈，所以無叫嘢食，叫咗Iced Americano同Iced white coffee。咖啡味唔算好濃，但合格有餘。成個環境舒服，店員有禮貌，過咗享受嘅一個鐘。