Cafe R&C (已結業)

一直聽聞呢間cafe有好可愛既三眼仔拉花 身為三眼仔fans既我又點可以錯過？就趁今日放早黎幫襯吓 三點半左右黎到，雖然係平日，但只剩門口bar枱位，唔緊要坐住先！之後中間對住坐既位有客埋單，老闆娘好友善幫我地換位 叫左一杯green tea latte（三眼仔拉花）同一杯波子汽水latte（毛毛拉花）。green tea latte茶味較奶味濃，冇落糖唔甜；只用奶入面既乳糖中和綠茶既苦味，啱晒唔鍾意落糖既我 三眼仔拉花好可愛，睇得出師傅係用心拉花畫圖。至於波子汽水latte，奶味一樣唔重，好似飲緊一杯熱同冇汽既波子汽水咁，味道怪怪的 我個人唔係太接受到呢種味道，而且成杯粉藍色，感覺飲左好多色素落肚 不過都要讚毛毛拉花，一樣畫得好可愛！呢度飲品價錢較貴，相信主要係貴在拉花吧！如果為拉花影相打卡而黎，絕對ok既；如果為味道，就要諗諗喇。