萬芳冰室 (已結業)

放工咁岩經過呢間老字號冰室，就同朋友入去食晚飯。係鋪頭門外已經見到入面放左好多懷舊擺設，而店內都跟番幾十年前嘅風格黎裝修，真係乜野童年回憶都番晒黎～我地叫左生炸大雞脾太陽蛋飯同鮮茄焗豬扒焗飯。個雞脾飯嘅雞脾真係超大隻，有成半隻碟咁大。而且佢炸得好香脆，外皮脆卜卜而不油膩。雞肉都好嫩滑，好容易就切開左。但豉油就偏甜，無左果種「美極撈飯」嘅感覺～而豬扒飯都唔遜色，豬扒都幾大塊架。因為用鮮茄整，茄汁有好濃嘅蕃茄味，唔似出面咁得甜味，加埋啲芝士真係一絕。但炒飯底略嫌太濕，乾身番啲就更好。