浜滝

營業中

休息中

星期六，去開九龍城搵食，見到呢間人氣居酒屋有得網上訂座，立即同朋友嚟試吓據聞呢間居酒屋係日本人開設，坐位雖然唔係好寬敞但有如去咗日本地道嘅居酒屋一樣。服務和食物質素也很好。 這些日子去唔到日本，食完餐飯都有啲安慰。職員推介當日新鮮嘅刺身，叫咗幾款試吓，全部都好新鮮鮮甜。首先講吓條魚，黑鯛魚，職員推介一魚兩食，原條用來做刺身，魚肉鮮甜爽口，魚骨用嚟做魚湯，清清地但係都有魚味。追加左近江牛同埋手打烏冬，烏冬彈牙，牛肉味濃。仲叫咗原個海膽，配合金箔，賣相一流，味道鮮甜，海膽裏面仲加咗白蝦刺身，十分驚喜。帶子刺身，肉厚鮮甜，推介！新鮮北寄貝，都算鮮甜爽口，不過溫度可以凍一啲。除咗刺身，仲叫咗串燒同炸雞，炸雞有驚喜，皮脆肉滑多汁。月見免治雞肉棒，配合蛋汁都幾好味，雞翼係用日本雞翼，燒得香脆。