前座飯堂

營業中

休息中

本身去大坑呢，都只係睇吓有冇啲新餐廳開咗，因為依排租金跌咗，大坑呢又開始熱鬧返啦！行吓行吓就比依間餐廳嘅裝修吸引咗，佢個門口呢就有霓虹燈，配古色古香嘅大門，超有特色！入面餐廳唔係好多個位，係幾個年青人經營啦。今日就叫咗個雞絲冷麵，如果呢你平時都唔係女仔嗰啲雀仔肚呢，就可以叫加大。佢嗰啲汁真係超好味，係佢哋自己調味嘅，佢唔會話好濃呢黐住個口，又唔會話好頸渴。背景呢就會不停播着台灣音樂同MV, 好有feel ！而且冷麵啦唔係處處都有得食，我食嗰日仲有外國人專登嚟試添，如果大家經過大坑又想食冷麵嘅話，記住搵依間餐廳！