影片
更多
2022-06-09
201 瀏覽
📍Dazzling Cafe📍#饅頭去尖沙咀 #饅頭食西餐 #饅頭食甜品 #饅頭與cafe培養感情系列------------------------------1️⃣ 草莓繽紛冰淇淋鬆餅 加麻糬 ($95 + $15)呢款確實係少女打卡必備嘅甜品😂，賣相非常精緻，Waffle嘅形狀係8片花瓣，每一塊都吱上忌廉，再加上士多啤梨做裝飾。味道上，呢度嘅士多啤梨都幾新鮮，Waffle真係做到外表微微香脆，內裡非常軟熟💕，而且蛋香都幾濃郁；麻薯係小編貪得意先加嘅，但反而畫蛇添足，因為麻薯質地偏黏口又冇咩味道，唔多唔少影響咗Waffle本身嘅鬆軟口感💁🏻♀️。店家亦會提供士多啤梨、糖漿同煉奶三款醬，大家可以根據自己個人口味作出配搭，唔驚唔夠味道；另外仲有一球疑似Moven Pick嘅士多啤梨雪糕，帶有少量草莓果肉，每一啖都伴隨酸酸甜甜嘅士多啤梨清新香氣，成個combo係幾正，而且非常之飽肚，雖然價錢唔平但我覺得尚可接受。當然甜品當正餐呢啲嘢真係唔好成日做🙈。◾評分：8.4/10------------------------------2️⃣ 法式藍伯爵茶 ($45)話說小編都係落單嗰陣先知道原來呢一度
------------------------------
1️⃣ 草莓繽紛冰淇淋鬆餅 加麻糬 ($95 + $15)
呢款確實係少女打卡必備嘅甜品😂，賣相非常精緻，Waffle嘅形狀係8片花瓣，每一塊都吱上忌廉，再加上士多啤梨做裝飾。味道上，呢度嘅士多啤梨都幾新鮮，Waffle真係做到外表微微香脆，內裡非常軟熟💕，而且蛋香都幾濃郁；麻薯係小編貪得意先加嘅，但反而畫蛇添足，因為麻薯質地偏黏口又冇咩味道，唔多唔少影響咗Waffle本身嘅鬆軟口感💁🏻♀️。
店家亦會提供士多啤梨、糖漿同煉奶三款醬，大家可以根據自己個人口味作出配搭，唔驚唔夠味道；另外仲有一球疑似Moven Pick嘅士多啤梨雪糕，帶有少量草莓果肉，每一啖都伴隨酸酸甜甜嘅士多啤梨清新香氣，成個combo係幾正，而且非常之飽肚，雖然價錢唔平但我覺得尚可接受。當然甜品當正餐呢啲嘢真係唔好成日做🙈。
◾評分：8.4/10
------------------------------
2️⃣ 法式藍伯爵茶 ($45)
話說小編都係落單嗰陣先知道原來呢一度無論嗌咗咩嘢食都好，每一個人都必須嗌一杯飲品， 小編對呢種突如其來嘅綑綁式銷售 唔太滿意，但去到人哋嘅地方唯有尊重人哋嘅規矩，只能怪自己冇做好資料搜集。
不過講玩講佢呢杯茶都幾好飲，啱啱擺上枱嗰陣就已經聞到香濃嘅 Earl grey，伯爵茶入口帶有些少果香，茶香清澈淡雅，冇過多嘅苦澀餘韻，符合歐式茶嘅風格，另外亦附上鮮奶、棉花糖同方糖，成壺茶足夠一個人飲4杯， 可以解去鬆餅鮮奶油嘅膩滑感。
◾評分：7.9/10
------------------------------
🔸整體評分：8.2/10
🔸小編回頭率：7/10
張貼
