Layback Cafe & Bar (已結業)

拿拿拿，終於有一個周末得閒，即刻約返個朋友出來食飯。因為我地輪流夾地點，今次輪到我住嘅依區，所以就去左尖沙咀食個樓上cafe ，度一個下午.下午茶唔適宜食太多野，所以只係叫左兩款小食。一款就係吉列蝦魚手指，另一個就係紅妃炸雞翼，啱哂我地兩個炸物控xdd炸野黎講，好難唔好食。魚手指就食得多，但好少食到有埋吉列蝦嘅，兩隻夾埋，咬落去好脆而入面好嫩，加埋炸物嘅燙口感，非常之誘人。但相比之下，我地都係鍾意個炸雞翼多啲。出面成日都食到炸雞，或者炸雞翼，但係當然，每個店都有其獨有嘅配方，所以我地每到一個店都會試下佢個炸雞翼好唔好食。依個炸雞翼係有加啲馬拉盞上去，有幾濃嘅蝦香，惹味度高食住炸野過下畫，都幾舒服。