影片
更多
2016-09-18
6417 瀏覽
同4位前teammates飲茶，大家建議嚟呢度，我冇所謂，但見係美心集團，有心理準備好貴！Teammate早上9：00嚟攞籌，等咗大約25分鐘有位，我講明10：00am後先到，我去到時，佢哋已食緊！我試咗近10款點心，當中有4款係甜點，感覺如下…先講環境，以前細個成日跟媽咪去美心飲苶，見返啲阿姐推返一模一樣嘅點心車，感覺既熟悉又懷念，百般滋味在心頭…我試咗蝦餃&燒賣，質素普通，啲蝦算新鮮，幾爽，但只屬普通size, 唔係好大粒！鮮竹卷：一籠三條，我食咗兩條半，腐皮軟熟，多汁，入味，但餡唔算好多，偏向幼身。北菇滑雞飯：幾袖珍，份量係普通一碗飯，啲飯較硬身，雞好滑，汁分開上，不過唔多見有北菇，而且冇以前細個去美心食時咁香咁好味。蛋散：我teammate至愛，我食咗少少，冇乜驚喜，味道係微脆嘅軟身馬仔，唔點蜜糖嘅話感覺偏淡。紫菜炸蝦卷：幾酥脆，但成條卷只有淡淡嘅紫菜&蝦味，建議一定要點奉上嘅沙律醬。海帶綠豆沙：我點嘅！微暖，有海帶，豆好稔，偏甜少少，但我鍾意，不過嫌佢細碗啲。蔗汁糕：冇乜特別味，只食到甜味，麻麻地。鮮奶椰皇糕：呢個係全餐茶最好味嘅一款！上下層椰汁奶勁香滑，中間透明嘅大菜糕好爽
Teammate早上9：00嚟攞籌，等咗大約25分鐘有位，我講明10：00am後先到，我去到時，佢哋已食緊！我試咗近10款點心，當中有4款係甜點，感覺如下…
先講環境，以前細個成日跟媽咪去美心飲苶，見返啲阿姐推返一模一樣嘅點心車，感覺既熟悉又懷念，百般滋味在心頭…
我試咗蝦餃&燒賣，質素普通，啲蝦算新鮮，幾爽，但只屬普通size, 唔係好大粒！
鮮竹卷：一籠三條，我食咗兩條半，腐皮軟熟，多汁，入味，但餡唔算好多，偏向幼身。
北菇滑雞飯：幾袖珍，份量係普通一碗飯，啲飯較硬身，雞好滑，汁分開上，不過唔多見有北菇，而且冇以前細個去美心食時咁香咁好味。
蛋散：我teammate至愛，我食咗少少，冇乜驚喜，味道係微脆嘅軟身馬仔，唔點蜜糖嘅話感覺偏淡。
紫菜炸蝦卷：幾酥脆，但成條卷只有淡淡嘅紫菜&蝦味，建議一定要點奉上嘅沙律醬。
海帶綠豆沙：我點嘅！微暖，有海帶，豆好稔，偏甜少少，但我鍾意，不過嫌佢細碗啲。
蔗汁糕：冇乜特別味，只食到甜味，麻麻地。
鮮奶椰皇糕：呢個係全餐茶最好味嘅一款！上下層椰汁奶勁香滑，中間透明嘅大菜糕好爽甜，仲有啲一絲絲嘅唔知菊花定乜嘢？總之好好味！喜歡甜品嘅，必點！
其他補充：推車阿姐&斟茶阿姐算有禮貌，食完啲碟&籠亦有主動幫我哋收。唯獨侍應唔多，下午1：30埋單時等咗一陣先有侍應見到我舉手。
仲有流沙奶黄包、煎腐皮卷、煎腸粉我冇食到，最後埋單$610，我哋俾咗$10貼士，即總共$620，每人$124。
整體感覺：環境算好，坐得舒服，點心車11：00am後先陸續出籠，之前來來去去得嗰三四部兜嚟兜去，如果要多啲選擇，建議11：30am後先入座。
點心質素普通，份量亦唔多，唯獨個鮮奶椰皇糕，真係忍唔住讚多一次！
埋單$620，真係幾貴！如果問我呢餐值幾錢？我會話$400有找！
但能夠同前teammates一聚，加上見返懷舊點心車，整體感覺都係充滿珍貴回憶嘅！
張貼
