善茶 (已結業)

最近得知尖沙咀新開左間港式茶飲店：善茶，售賣各式各樣的絲襪奶茶、中式茗茶等等。小店裝修主題係懷舊香港，手寫餐牌、紅色燈罩等等，打卡位超多呢！而餐廳亦希望用港式奶茶同大家結善茶緣，每買一杯飲品都會得到一個代幣，代表將$1捐畀慈善機構，真係好有善心啊！飲奶茶又可以做善事，何樂而不為善茶既絲襪奶茶用了獨門的拼茶，加上茶壺撞茶而製成的我點左兩杯分別一熱一凍既港式絲襪奶茶一拎上手好大杯！凍奶茶杯身係透明的，可以清楚見到奶茶色澤端好，奶同茶既比例剛好，入口唔澀口，茶濃香，奶夠滑，係一杯出色既港式奶茶！而熱奶茶則用紙杯呈上，店舖貼心的採用附有隔熱手揸墊的紙杯。個人認為熱飲比凍飲更出色