春芳號 (立輝大廈) (已結業)

第一次飲春芳號，難得過海，梗係要試下啲新界九龍無既，佢每日都會有一款飲品特價，果日既特價款係檸檬四季春，另外一杯，就叫左烏龍珍奶。檸檬四季春既酸甜度剛剛好，係夏天既解渴清新好選擇黎，加上佢地既杯實在有 heart ，拎住咁靚既杯嘆茶真係爽啲。至於杯烏龍珍奶，亦唔錯既，首先佢既珍珠做得相當煙韌，唔會黏埋一齊，亦唔會未熟，每一粒都係分明，有咬口既，而且烏龍奶茶亦調得岩岩好。見佢有熱壓吐司，有套餐買，不過食左正餐，我地食唔落，下次黎有機會可以試下吐司！