Cafe Terrace (已結業)

☆ 𝘾𝙖𝙛𝙚 𝙏𝙚𝙧𝙧𝙖𝙘𝙚尖沙咀亞士厘道24-38號天星大廈4樓平台✦ 當海神遇上了花仙子尾圖有Menu我就唔打得咁details啦，一上枱店員會為佢加添一d仙氣，大家可以舉定機準備(〃ω〃)整個tea set鹹點、小食、甜點都有，仲有花茶或者咖啡任君選擇，下層係咸點小食，香口炸物為主，Mozzarella芝士棒、蒜香雞槌呢d點埋佢個泰式辣醬真係好味，仲要我影完相都仲暖。中層有黑魚子煙三文魚他他、雞尾酒蝦、蟹肉蘑菇酥皮盒，3款都幾好食呀。最後上層甜點，有好多款呀，見到都心花怒放，印象最深係Brownie，濃濃朱古力味，又夠濕潤感，幾好。尖沙咀區黎講呢個價錢都幾實惠，服務又ok，如果天氣好仲可以坐室外位，有花花牆影相打卡。