影片
更多
2018-11-11
151 瀏覽
啱啱先快閃日本，對日本菜意猶未盡，所以同朋友揾間居酒屋，滿足一下自己嘅慾望！由於我有選擇困難，我哋決定叫個廚師發辦，日本料理，不時不食，由廚師按當日新鮮嘅食材去做料理。首先黎個頭盤，沖繩海葡萄沙津。我第一次食海葡萄就係好幾年前去沖繩旅行食過，咸咸地，真係好似一串提子咁，食落似蟹子嘅口感，都幾得意。最近好多時食日本料理都會有海葡萄，依個沙律加入海葡萄，多一種口感，配合新鮮沙律菜，用柚子醋拌勻，幾清新醒胃。第二道料理就係刺身五點。包括珍珠蠔，真鯛薄切，慢煮鮟鱇魚肝，牡丹蝦 (用蝦膏做醬汁)，同埋拖羅。先由真鯛薄切食起，薄薄嘅真鯛刺身卷住蔥段，再點少少酸汁嚟食，口腔有真鯛嘅鮮味，蔥嘅香氣，再用少少酸汁提味，味道幾豐富。牡丹蝦好肥美，再用埋蝦膏做醬汁，食盡成隻蝦，好甜，好好味呀。珍珠蠔都係肥美，再加少少蔥花，食到個蠔嘅鮮味。到拖羅喇！油脂分佈相當平均，見到啲紋路已經流晒口水，仲要係厚切添喎，加少少wasabi，點少少醬油，一啖放入口，拖羅嘅油脂喺口入面盪漾，完全有幸福嘅感覺！慢煮鮟鱇魚肝都係我喜歡嘅，甜醬油入晒味，唔會腥，朋友唔食內臟，我仲有得食埋佢果份添！正！到酒肴就係燒鰤魚鮫 (即野生油甘
由於我有選擇困難，我哋決定叫個廚師發辦，日本料理，不時不食，由廚師按當日新鮮嘅食材去做料理。首先黎個頭盤，沖繩海葡萄沙津。我第一次食海葡萄就係好幾年前去沖繩旅行食過，咸咸地，真係好似一串提子咁，食落似蟹子嘅口感，都幾得意。最近好多時食日本料理都會有海葡萄，依個沙律加入海葡萄，多一種口感，配合新鮮沙律菜，用柚子醋拌勻，幾清新醒胃。
沖繩海葡萄沙律
8 瀏覽
0 讚好
0 留言
第二道料理就係刺身五點。包括珍珠蠔，真鯛薄切，慢煮鮟鱇魚肝，牡丹蝦 (用蝦膏做醬汁)，同埋拖羅。先由真鯛薄切食起，薄薄嘅真鯛刺身卷住蔥段，再點少少酸汁嚟食，口腔有真鯛嘅鮮味，蔥嘅香氣，再用少少酸汁提味，味道幾豐富。牡丹蝦好肥美，再用埋蝦膏做醬汁，食盡成隻蝦，好甜，好好味呀。珍珠蠔都係肥美，再加少少蔥花，食到個蠔嘅鮮味。到拖羅喇！油脂分佈相當平均，見到啲紋路已經流晒口水，仲要係厚切添喎，加少少wasabi，點少少醬油，一啖放入口，拖羅嘅油脂喺口入面盪漾，完全有幸福嘅感覺！慢煮鮟鱇魚肝都係我喜歡嘅，甜醬油入晒味，唔會腥，朋友唔食內臟，我仲有得食埋佢果份添！正！
刺身五點
3 瀏覽
0 讚好
0 留言
拖羅
2 瀏覽
0 讚好
0 留言
慢煮鮟鱇魚肝
1 瀏覽
0 讚好
0 留言
到酒肴就係燒鰤魚鮫 (即野生油甘魚鮫)，燒得好香，肉質好札實，好juicy，再點埋個加咗蘿蔔蓉嘅汁，侍應話可以無咁熱氣，又幾好味呀。
燒鰤魚鮫
0 瀏覽
0 讚好
0 留言
湯嘅部分就係用好多好多好多條𩶘魚骨煲嘅湯，侍應話大約有約25條咁多！真材實料呀，一打開蓋就係奶白色嘅湯，一睇就知濃郁，入面仲有兩大片魚肉同滑豆腐，飲一啖湯，相當濃郁，完成唔需要加胡椒粉，一啲都唔腥，魚肉夾起都仲完整一片，唔會散開，正呀，豆腐都好滑呀。
魚湯
6 瀏覽
0 讚好
0 留言
魚湯
1 瀏覽
0 讚好
0 留言
我期待嘅串燒到喇！首先有汁燒黑豚五花腩串燒 ，上面加蒜茸，燒得好香呀。一啖食到肉同肥膏，比例恰到好處，唔會食到成口油淋淋，有少少燒汁做調味，唔錯呀！第二串係手工免治雞肉串，配個有生蛋黃嘅汁，先試一啖無汁嘅，雞肉幾滑，仲有雞軟骨喺入面，脆脆地，好有口感呀，再點埋個汁，成串串燒又更滑，多少少醬油味，味道又再濃少少。之後就到蟹膏燒帶子，帶子燒到啱啱好，唔會太乾，仲有少少帶子汁，好新鮮，配埋蟹膏食就好鮮味。最後一串就係雞胸軟骨串燒喇，胸軟骨同雞肉間住咁串起，個軟骨特別有香氣，廚師好貼心地每一道料理都調好味，我唔需要再點任何醬汁都已經好夠味。
汁燒黑豚五花腩串燒
4 瀏覽
0 讚好
0 留言
手工免治雞肉串
5 瀏覽
0 讚好
0 留言
蟹膏燒帶子
2 瀏覽
0 讚好
0 留言
雞胸軟骨串燒
3 瀏覽
0 讚好
0 留言
接近尾聲就送上壽司喇，由右至左，有甘目錭魚，深海鰺魚，炙燒左口魚，每一款壽司我都喜歡，甘目鯛口感比較軟林，深海鰺魚比較爽口，炙燒左口魚比較多油香，樣樣都唔錯！
壽司
5 瀏覽
0 讚好
0 留言
甜品係柚子雪糕，係一個好好嘅收尾呀，好清新，唔會太甜，食完好滿足呀！
張貼
