影片
更多
2014-08-14
558 瀏覽
我好鐘意去港式嘅素食店，主因並吾係抵食，有係個種窩心。你吾會擔心食吾飽，吾會聽到粗口劃飛，吾會食到吾衛生嘅食物。每個人都靜心享受飯菜，店員辛勤咁工作。有時之間又會閒話家常，講下宜家D冇基因改造嘅黃豆幾貴，今日咩菜靚。菜色難登大雅之堂，但一定用心烹煮，健康好味。我就寧願係庶民飯堂享受Comfort Food，都不願係連鎖快餐店捱味精餐啦～ 常日都好想去荃灣食飯，因夠多素食店可選擇，今日終於有機會！11點半去到，新一代已滿座，於是到天恩試試～乖乖揾位坐低，店員就即刻走嚟問食D咩。望望餐牌，全是簡單家常菜，當中亦冇嘢我吾想食，於是向店員指要全套餐。然後同其它素食店一樣，乖乖地出去攞餐具同主食。呢間小店不設任添湯水，可不要（平幾砇），亦可再加錢再添。主食則有紅米飯，紅米薑飯，粥。第一次先要左粥，見到有用少少腐竹同冬菇煮。回到座位，阿姐已經拎住餸菜同湯水嚟。謝過後，忍吾住立即試試：新鮮時菜：本人慣食少油菜，因此覺得略為油膩。豆角鮮菇：同樣為蔬菜，但明顯較生菜少油，菇則是雞脾菇。西芹什錦：本身吾知什錦有素肉，但幸好數量不多，且素火腿添加嘅味道不太濃，感覺不錯。梅菜蒸素脯：吾太清楚咩係素脯，上網查先
常日都好想去荃灣食飯，因夠多素食店可選擇，今日終於有機會！11點半去到，新一代已滿座，於是到天恩試試～
乖乖揾位坐低，店員就即刻走嚟問食D咩。望望餐牌，全是簡單家常菜，當中亦冇嘢我吾想食，於是向店員指要全套餐。然後同其它素食店一樣，乖乖地出去攞餐具同主食。呢間小店不設任添湯水，可不要（平幾砇），亦可再加錢再添。主食則有紅米飯，紅米薑飯，粥。第一次先要左粥，見到有用少少腐竹同冬菇煮。
回到座位，阿姐已經拎住餸菜同湯水嚟。謝過後，忍吾住立即試試：
新鮮時菜：本人慣食少油菜，因此覺得略為油膩。
豆角鮮菇：
同樣為蔬菜，但明顯較生菜少油，菇則是雞脾菇。
西芹什錦：
本身吾知什錦有素肉，但幸好數量不多，且素火腿添加嘅味道不太濃，感覺不錯。
梅菜蒸素脯：
吾太清楚咩係素脯，上網查先知即係豆酥／素干貝。食落冇咩特別，亦食吾出。
老黃瓜湯：
非常足料，完全冇味清，亦有不少食客願加錢再添。
之後再添左少少薑飯試試，明顯見到飯中散佈着微小嘅薑粒，吾太重辣味，微微薑香，好味。但見粒粒油亮，相信混左D熟油，因此不敢多吃，再添了碗粥。
見到有食客加錢要咸蛋，更有人要左兩隻’加餸’，幾受歡迎。食飽飽，便比錢埋單。店員毫不憂心食客走數，收了錢就留下一個微笑同一句謝謝，然後繼續佢嘅忙碌。
張貼
