又食燒肉🔥餐廳佈置似日本居酒屋、掛滿日式燈籠🏮 巨型螢幕播住宮崎駿動畫音樂MV，門口放咗大大個龍貓figure，可能餐廳老細童年喜愛卡通？🙃地方超大，卡位極闊落，每枱距離足，椅背全部高過頭夠隱私，抽油煙做得好，冷氣足，服務態度正常，有幾間VIP房有埋卡拉OK🎤見到有個大魚缸養住一堆活鰻🪱即叫即劏夠新鮮，我又叫一份😋起骨處理得好，冇細骨，肉帶微脆，厚肉肥美，唔腥，燒到兩面脆口再淋啲鰻魚汁好好食，推薦💙火山牛五花上枱時有乾冰噴煙夠睇頭🗻肉質新鮮，唔錯；薩摩赤雞腿肉同鴨髀扒🍗結實有彈性，切得好厚身，如果切返薄少少燒嘅時候易啲熟會更方便；玉子燒幾挺身，口感厚實，燒完微焦甜甜地幾好食😋海苔米飯飯素好多唔吝嗇；兩杯飲品🍸潽梅香即係潽洱茶加話梅，酸酸甜甜，特大新鮮菓茶清爽～
