天浮橋拉麵 (已結業)

上次去到元朗突然之間好想食拉麵 但係冇開 今次終於食到佢位於元朗千色店附近嘅拉麵舖 - 天浮橋今次同朋友分別叫左一碗鹽雞白湯沾麵同埋海老味噌湯拉麵 食得出兩款唔同湯嘅麵好大分別 首先湯麵嘅麵質當然唔同 一個係浸住係湯度 當然會淋啲 然後味道係比鹽雞更加濃味 因為聽師傅講個湯底用左好多蝦頭去熬左10幾個鐘以上先熬完 兩款湯底都會有2塊雞蹆肉同1塊雞胸肉 但平時會比較鞋身啲嘅雞胸肉餐廳竟然可以煮到佢好滑身同咁嫩口 再加埋嗰隻咁smooth咁溏心嘅溏心蛋 真係可以話係幸福嘅感覺