校長燒肉日韓料理 (已搬遷) 新店位置

位處元朗市中心O既校長燒烤, 有住鬧市韓燒O既質素, 同時亦有平民O既價格, 十分抵玩。未到開市時間, 門口就已經排滿人, 大家記得要趁早去留位, 咁就唔怕到時係門口食西北風。入到去之後, 環境開揚, 裝修都叫幾有特色, 坐落覺得乾淨舒服。韓燒個時, 成日都會覺得燒燶換盤好麻煩, 熱辣辣O既盤係度搬黎搬去都覺得牙煙, 而呢度 +6蚊就可以有張紙鋪爐面, 燶左換張紙就OK, 唔怕燒一陣就要叫職員換爐, 麻煩又危險。講到食物方面, 有好多選擇, 唔同部位O既豬, 牛肉都有得揀, 而且肉質都唔差。而我就最鐘意燒魷魚, 切好一大片魷魚身燒, 啖啖都係鮮魷味, 加左唔少分。而大家記得拎肉O既時候, 拎埋燒肉汁, 配埋D肉會好食好多, 為燒肉增添返一D風味, 唔會太寡得舊肉。除左平時會見到O既豬肉, 牛肉之外, 仲有好多唔同O既熟食(e.g. 八爪魚丸)同壽司揀, 唔會好快因為淨食肉而食滯。最好O既係, 有杯裝雪糕, 食完D熱辣辣O既野, 有一杯冰涷O既甜品降下溫, 都係一個唔錯O既選擇。