叁淥火鍋 (已結業)

揀左最凍嘅一日打邊爐，呢間係大棠站附近，格局闊落，仲有房可以一班朋友黎聚下。店員招呼幾好會幫手換碟👍🏻阿媽表示食得過。👉🏻胡椒雞煲蟹小辣天氣凍食下辣野😋呢個雞煲蟹不得了，胡椒味鮮明，但唔會好辣，啲青椒反而好辣。雞肉肉質嫩，又入味，食極都仲有。蟹肉有鮮味、蟹鉗多肉最好食。食完飽左6成，之後加胡椒湯打邊爐。👉🏻新鮮雞什拼盤（雞腸，雞心，雞腎，雞肝）好耐冇食過雞雜！所以見到有一定要食。雞心雞腎食爽、雞肝甘香、雞腸肥美，全部都好新鮮冇雪味，份量好多。食內臟嘅人先會明內臟嘅美味☺️👉🏻鬼馬雙星油炸鬼加蝦膠蟹籽，本身諗住留幾件打邊爐，點知留唔到😂油炸鬼超脆好好食😋👉🏻韓國濟州黑毛豬五花腩油花幾靚，淥一陣就食得，豬肉脂肪均勻，大大塊食得好爽。👉🏻西瓜沙冰大大杯🍺夠晒凍同解渴，甜味幾自然。