影片
更多
2018-11-26
48 瀏覽
今日又嚟到元朗雞地搵食😋之前朋友極推介呢間凡直友里，終於有機會試到啦～呢間餐廳係bar restaurant形式，餐廳入面擺放左好多酒係度，亦有好多酒類選擇，環境亦適合生日慶生，當日去到都見到有人生日係呢度慶祝，侍應會製造氣氛捧住蛋糕出嚟一邊唱住生日歌，好少見到出面啲餐廳會咁做，印象加晒分.講返野食先，我同朋友叫左一個set另加兩樣野食，真心覺得佢個set好抵食，我地嗌左啤槳炸軟殼蟹芝士漢堡芒果莎莎伴薯條，跟餐有埋個忌廉粟米餐湯都係$118，呢個價錢食到咁高質嘅野真係超值. 講返佢點高質先，呢個包口感極豐富，包身搽左啲蒜蓉醬，咬落好香口，軟殻蟹上面有啲芒果莎莎醬，食之前我地挑左啲嚟試，個醬就咁食好奇怪但加埋啲軟殻蟹就出奇地夾，將本身好膩嘅軟殼蟹中和返，變得無咁膩，整體嚟講真係好好味😋另外我地叫左個兩樣分別都係Main嘅低溫慢煮烤乳豬件伴椰菜仔及手指薯配蕪花果乳豬汁同埋小食，辣椒蒜蓉焗美國太平洋生蠔. 乳豬件經過慢煮後保留肉汁，肉又鮮嫩，咬落皮脆同時有肉汁咇出嚟，好味至極🤤佢會配埋三個醬比你，分別係一般乳豬汁，芥末汁同埋佢哋自己特配嘅蕪花果乳豬汁，個人極推介配個蕪花果乳豬汁嚟食，因為乳豬
今日又嚟到元朗雞地搵食😋之前朋友極推介呢間凡直友里，終於有機會試到啦～
呢間餐廳係bar restaurant形式，餐廳入面擺放左好多酒係度，亦有好多酒類選擇，環境亦適合生日慶生，當日去到都見到有人生日係呢度慶祝，侍應會製造氣氛捧住蛋糕出嚟一邊唱住生日歌，好少見到出面啲餐廳會咁做，印象加晒分.
講返野食先，我同朋友叫左一個set另加兩樣野食，真心覺得佢個set好抵食，我地嗌左啤槳炸軟殼蟹芝士漢堡芒果莎莎伴薯條，跟餐有埋個忌廉粟米餐湯都係$118，呢個價錢食到咁高質嘅野真係超值. 講返佢點高質先，呢個包口感極豐富，包身搽左啲蒜蓉醬，咬落好香口，軟殻蟹上面有啲芒果莎莎醬，食之前我地挑左啲嚟試，個醬就咁食好奇怪但加埋啲軟殻蟹就出奇地夾，將本身好膩嘅軟殼蟹中和返，變得無咁膩，整體嚟講真係好好味😋
另外我地叫左個兩樣分別都係Main嘅低溫慢煮烤乳豬件伴椰菜仔及手指薯配蕪花果乳豬汁同埋小食，辣椒蒜蓉焗美國太平洋生蠔. 乳豬件經過慢煮後保留肉汁，肉又鮮嫩，咬落皮脆同時有肉汁咇出嚟，好味至極🤤佢會配埋三個醬比你，分別係一般乳豬汁，芥末汁同埋佢哋自己特配嘅蕪花果乳豬汁，個人極推介配個蕪花果乳豬汁嚟食，因為乳豬食得多都會好膩，佢特配嘅呢個汁正正可以解到膩，就算比我食晒成件都可以🤤最後個焗蠔一啲都吾馬虎，勁大隻不特只，仲好新鮮，一啖咬落好鮮味，真係焗得啱啱好👍🏻
總結： 食完就知點解朋友咁推介呢間餐廳，真心覺得吾算貴，埋單都係$538就食到咁高質嘅野食， 一定會做回頭客. 順帶一講，呢間餐廳有串燒食，本身好想試，但要十點後先有，希望佢可以提早時間供應，咁就perfect 啦😋
張貼
