麵之神車仔麵 (已結業)

天氣真係好凍，梗係搵啲熱野食，選擇落去雞地食碗車仔麵，選咗五餸一麵，日式豚肉，日式蟹棒，滷水豬腸，柱候牛肋條仲有磯煮鮑魚，我想首先講一講個湯好夠溫度值得一讚👍因為一碗麵如果個湯唔夠熱的話食落都冇意思，這一點對我來講係好重要！揀咗清湯配牛腩汁個味道好似食緊日本拉麵個湯咁，麵底揀咗油麵，幾好唔係嗰啲浸得耐會發大嗰啲油麵，日式豚肉可以啦，日式蟹捧非常好食唔係啲普通蟹柳，好大條有咬口！豬腸新鮮肥美洗得好乾淨沒有一啲難食嘅怪味，估計清潔嗰個做得好好💪柱候牛肋條，份量足唔似一般牛腩細細舊👌磯煮鮑魚，真係連殼上唧鮑魚唔係啲罐頭鮑魚，軟硬適中唔會過熟，口感味道不錯👍，總括來講非常有特色同比較落足本嘅車仔麵👍👍👍