鋒哥廚房 (已結業)

今日成家人出去食飯，喺元朗御庭居地下嘅鋒哥廚房食，佢呢度有任食雞煲和任食火鍋材料，保證食得夠飽，而且食材新鮮味道超級正，推薦大家一定要嚟食一次。首先先食咗一鍋藥膳雞煲，然之後就到麻辣雞煲，唔夠食可以再任意添加，食完雞煲就可以免費自選一個湯底去打邊爐。呢一煲藥膳雞煲超級滋補，有超香嘅藥材味，令啲雞肉特別香，而且肉嫩Juice，如果有得添加就更好啦🤣再黎食麻辣雞煲，麻辣雞煲夠香麻又夠辣，雞肉充滿油香極之惹味，雞煲入邊仲有蓮藕，爽脆又多水份。再黎打邊爐，有一個自選免費湯底，我哋就叫咗黑蒜豬骨湯，極香黑蒜油味，新鮮豬骨熬製嘅湯底，味道零舍清香。火鍋材料同樣極之豐富，安格斯牛頸背無限追加，多款海鮮蟹🦀，蜆，帶子，螺肉海鮮吧任攞，鍾意飲啤酒嘅，仲有超多款生啤任飲，今餐真係夠晒和味。